قائداعظم انڈسٹریل اسٹیٹ کے وفد کی چیف ایگزیکٹو لیسکو انجینئر رمضان بٹ سے ملاقات

ملاقات کا جائزہ

لاہور (ڈیلی پاکستان آن لائن) قائداعظم انڈسٹریل اسٹیٹ کے وفد نے لیسکو ہیڈکوارٹرز میں چیف ایگزیکٹو آفیسر لیسکو انجینئر رمضان بٹ سے ملاقات کی اور انہیں بطور چیف ایگزیکٹو آفیسر لیسکو تعیناتی پر مبارکباد پیش کی۔

یہ بھی پڑھیں: عامر خان کی گرل فرینڈ کے ہاتھوں میں ہاتھ ڈال کر پہلی بار عوامی مقام پر انٹری

وفد کی توقعات

وفد نے اس موقع پر توقع ظاہر کی کہ انجینئر رمضان بٹ کی قیادت میں لیسکو صنعتی اداروں کی بہتری اور سہولیات کی فراہمی کے لیے مزید مؤثر کردار ادا کرے گا۔ وفد نے چیف ایگزیکٹو آفیسر کو صنعتکاروں کو درپیش مسائل اور چیلنجز سے بھی آگاہ کیا۔

یہ بھی پڑھیں: ویان ملڈر نے برائن لارا کا 400 رنز کا ریکارڈ نہ توڑنے کی وجہ بتا دی

لیسکو کی کوششیں

چیف ایگزیکٹو آفیسر لیسکو انجینئر رمضان بٹ نے وفد کو لیسکو کی جانب سے صنعتی شعبے کے لیے کیے جانیوالے اقدامات سے آگاہ کیا اور انہیں یقین دہانی کرائی کہ لیسکو صنعتی شعبے کی ترقی کے لیے ہر ممکن اقدامات کر رہا ہے۔
انجینئر رمضان بٹ نے بتایا کہ لیسکو افسران نے دن رات محنت کرکے اووربلنگ کا مکمل خاتمہ کردیا ہے جبکہ صنعتی شعبے کو بجلی کی بلا تعطل فراہمی کے لیے بھی خصوصی اقدامات کیے گئے ہیں۔ لیسکو کے تمام ایس ایز، ایکسینئز اور ایس ڈی اوز روزانہ کی بنیاد پر کھلی کچہریاں لگا رہے ہیں جس کے خاطر خواہ نتائج سامنے آرہے ہیں۔

شکریہ ادا

وفد نے صنعتی شعبے کے لیے قابل قدر اقدامات کرنے پر چیف ایگزیکٹو انجینئر رمضان بٹ کا شکریہ ادا کیا۔