امریکا نے اسرائیل کو 18 کروڑ ڈالر مالیت کے انجن فروخت کرنے کی منظوری دیدی

امریکا کی جانب سے اسرائیل کو انجن کی فروخت کی منظوری

واشنگٹن (آئی این پی) امریکا نے اسرائیل کو 18 کروڑ ڈالر مالیت کے انجن فروخت کرنے کی منظوری دے دی۔

یہ بھی پڑھیں: مصطفیٰ عامر قتل کیس کے مرکزی ملزم ارمغان کے والد کی ضمانت منظور

معاہدے کی تفصیلات

غیر ملکی میڈیا رپورٹ کے مطابق امریکی دفاعی سلامتی تعاون ادارے نے امریکا کے اسرائیل کو انجن فروخت کرنے کی تصدیق کر دی۔ اسرائیلی افواج کو منتقل کرنے والی ہیوی ویہیکلز کے انجن کی مزید ضرورت تھی۔ امریکی محکمہ خارجہ کا کہنا ہے کہ اسرائیل کو آرمڈ پرسنل کیریئرز کے لیے ہیوی وہیکل انجن فراہم کیے جائیں گے، یہ انجن اسرائیل کی سرحدی دفاع اور فوجی نقل و حرکت میں بہتری لائیں گے۔

فوجی نقل و حرکت میں بہتری

امریکی محکمہ خارجہ کے مطابق معاہدے میں انجن، پرزے، تکنیکی معاونت اور لاجسٹک سپورٹ بھی شامل ہے، معاہدہ خطے کے فوجی توازن کو متاثر نہیں کرے گا۔ امریکی محکمہ خارجہ نے کہا ہے کہ ہیوی ویہیکلز انجن چیلنجنگ علاقوں میں فوجی نقل و حرکت کے لیے ڈیزائن کیے گئے ہیں۔ ہیوی وہیکل انجن جنگی زونز میں فوجی دستوں کی نقل و حرکت میں مددگار ہوں گے۔