ہمارے آنے سے پہلے برے حالات تھے، آج ڈیفالٹ نہیں سٹاک ایکسچینج کے نئے ریکارڈ بننے کی آواز آتی ہے: مریم نواز

وزیراعلیٰ پنجاب کا انوائرمنٹ پروٹیکشن فورس کے قیام پر فخر

لاہور (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ پاکستان اور پنجاب کی پہلی انوائرمنٹ پروٹیکشن فورس کے قیام پر فخر ہے۔ انوائرمنٹ پروٹیکشن فورس کی پاسنگ آؤٹ کی تقریب سے خطاب کرتے ہوئے وزیراعلیٰ نے کہا کہ انوائرمنٹ پروٹیکشن فورس میں سکھ نوجوان اور بچیوں کی دیکھ کر بہت خوشی ہوئی۔ انوائرمنٹ پروٹیکشن فورس سکواڈ کے تمام بچوں کو سلام پیش کرتی ہوں۔ یونیفارم پہن کر آپ ملک کی حفاظت پر مامور ہوتے ہیں، چاہے ماحولیاتی سرحدوں کی حفاظت یہ بہت بڑی ذمہ داری ہے۔

یہ بھی پڑھیں: پرندوں کی حفاظت: ایک ضروری اقدام

پنجاب کو سرسبز وشاداب بنانے کی کوششیں

وزیراعلیٰ مریم نواز نے مزید کہا کہ پنجاب کو سرسبز وشاداب بنانے کیلئے لاکھوں درخت لگواچکے ہیں اور بھی درخت لگوارہے ہیں۔ ہمارے آنے سے پہلے جتنے برے حالات تھے سب کے علم میں ہیں۔ کسی کو ملک و قوم کی پرواہ نہیں تھی لیکن اب پرواہ کرنے والے لوگ آچکے ہیں۔ انہوں نے یاد دلایا کہ 4 سال ایک حکومت رہی جس نے کرپشن کے سوا کچھ نہیں کیا۔

یہ بھی پڑھیں: کراچی: مختلف ٹریفک حادثات میں 2 خواتین سمیت 4 افراد جاں بحق

مہنگائی میں کمی اور معیشت کی بہتری

مریم نواز نے کہا کہ آج ڈیفالٹ کی آواز نہیں آتی بلکہ اسٹاک ایکسچینج کے نئے ریکارڈ بننے کی آواز آتی ہے۔ مہنگائی کا 38 فیصد سے کم ترین سطح پر آنا بھی ایک ریکارڈ ہے۔ مہنگائی کبھی کم نہیں ہوتی، آٹا کبھی سستا نہیں ہوتا، بجلی کے نرخ کبھی کم نہیں ہوتے لیکن ہم نے اللہ کے فضل وکرم سے کر دکھایا۔

یہ بھی پڑھیں: ذہین بچے، حسین کلیاں، گلاب پتے بکھر گئے ہیں۔۔۔

صحت کے شعبے میں اصلاحات

وزیراعلیٰ نے کہا کہ پنجاب میں روٹی کے نرخ 25 روپے سے کم ہوکر 12 روپے تک پہنچے، آٹا سستا ہوتو کوئی بھوکا نہیں سوتا۔ رمضان المبارک میں گھر کے دروازوں پر دستک دے کر چیک پہنچائے، پہلی مرتبہ لوگوں کو لائنوں میں نہیں لگنا پڑا۔ شہروں اور دیہات میں صفائی کا یکساں نظام نظر آرہا ہے۔

یہ بھی پڑھیں: دمشق میں سیدہ زینب کا مزار: یہ علاقہ جو کئی برسوں تک جنگ کا میدان رہا، وقت کے ساتھ کس طرح تبدیل ہوا؟

تعلیمی نظام میں بہتری

وزیراعلیٰ مریم نواز نے تعلیمی نظام میں بہتری کے حوالے سے کہا کہ سکولوں کی آؤٹ سورسنگ کرنے سے تعلیمی نظام میں بہتری نظر آرہی ہے۔ بچوں کو وظائف، سکالر شپ اور اب لیپ ٹاپ دینے جارہے ہیں۔

ماحولیاتی پالیسی اور اقدامات

وزیراعلیٰ مریم نواز نے کہا کہ سموگ کی وجہ سے گزشتہ چند برسوں سے بچے، بوڑھے اور سب بیمار ہوتے تھے۔ فضاء کو سانس لینے کے قابل بنانا بھی بہت بڑا خواب تھا۔ آلودگی کے انسان کی صحت پر مضر اثرات کے لئے جامع انوائرمنٹ پالیسی بنائی گئی ہے۔ پنجاب میں زیرو پلاسٹک پالیسی کو دوسرے صوبے کاپی کررہے ہیں۔