فیلڈ سٹاف لیسکو کی اصل طاقت ہے ،سی ای او نادہندہ صارفین کے حملے میں زخمی ہونیوالے لائن مین کے گھر پہنچ گئے

چیف ایگزیکٹو لیسکو کی عیادت

لاہور (ڈیلی پاکستان آن لائن) چیف ایگزیکٹو لیسکو انجینئر محمد رمضان بٹ نے زخمی لائن مین عدنان کے گھر جا کر عیادت کی۔

یہ بھی پڑھیں: والد کے قتل کے الزام میں بیٹا اور بہو گرفتار

واقعہ کی تفصیلات

لاہور الیکٹرک سپلائی کمپنی (لیسکو) کے چیف ایگزیکٹو انجینئر محمد رمضان بٹ نے سیّد پور سب ڈویژن کے لائن مین عدنان کے گھر جا کر اس کی عیادت کی، جو گزشتہ روز نادہندہ صارفین کے حملے میں دورانِ ڈیوٹی زخمی ہو گیا تھا۔

یہ بھی پڑھیں: پاکستانیوں پر ویزہ پابندیاں، لیکن امارات میں بھارتی شہریوں کی تعداد اتنی زیادہ بڑھ گئی کہ یقین نہ آئے

سیکورٹی کی اہمیت

چیف ایگزیکٹو نے عدنان کی خدمات کو سراہتے ہوئے کہا کہ فیلڈ سٹاف لیسکو کی اصل طاقت ہے اور ان کی حفاظت کمپنی کی اولین ترجیح ہے۔ انہوں نے عدنان کو بھرپور تعاون کی یقین دہانی کرائی اور متعلقہ حکام کو واقعے میں ملوث عناصر کے خلاف سخت قانونی کارروائی کی ہدایت کی۔

محنتی ملازمین کا تقدس

انجینئر محمد رمضان بٹ نے کہا کہ لیسکو اپنے محنتی ملازمین کے ساتھ ہر قدم پر کھڑی ہے اور ان کی قربانیوں کو قدر کی نگاہ سے دیکھتی ہے۔