وزیراعلیٰ نے فلم انڈسٹری میں 2 ارب روپے کی گرانٹ تقسیم کرنے کی منظوری دیدی

پنجاب حکومت کا بڑا فیصلہ

لاہور (ڈیلی پاکستان آن لائن )پنجاب حکومت نے فلم انڈسٹری کو پروموٹ کرنے کیلئے بڑا فیصلہ کرلیا۔

یہ بھی پڑھیں: میرپورخاص میں لیڈی پولیس اہلکار کی پھندا لگی لاش برآمد

فلم انڈسٹری کے لئے 2 ارب روپے کی گرانٹ

رپورٹ کے مطابق وزیراعلی پنجاب مریم نوازشریف نے ملک کی فلم انڈسٹری میں 2 ارب روپے کی گرانٹ تقسیم کرنے کی منظوری دیدی ہے۔ مقبول ترین فلمیں بنانے والے فلم سازوں اور ہدایت کاروں کو یہ رقم مل سکے گی۔ اس سلسلے میں وزیراعلی پنجاب نے فلم فنڈز ڈسٹریبیوشن کمیٹی بھی تشکیل دی ہے۔

یہ بھی پڑھیں: سموگ کے باعث پارکس، تفریح گاہیں، عجائب گھر 10روز کیلئے بند

کمیٹی کی تشکیل

کمیٹی میں صوبائی وزیر انفارمیشن اینڈ کلچر عظمی بخاری، صوبائی وزیر خزانہ مجتبیٰ شجاع الرحمن شامل ہوں گے۔ اس کے علاوہ کمیٹی میں سیکرٹری انفارمیشن، سیکرٹری پی اینڈ ڈی، اور سیکرٹری خزانہ بھی شامل ہوں گے۔

فنڈز کے حصول کی شرائط

واضح رہے کہ فنڈز ان ہدایت کاروں اور فلم سازوں کو ملیں گے جنہوں نے پانچ سالوں میں کم از کم ایک فلم بنائی ہو۔ فنڈز کے حصول کے لئے ضروری ہوگا کہ فلم کا اسکرپٹ اور کاسٹ سے متعلق بھی تفصیلات فراہم کی جائیں۔