ٹک ٹاک بناتے ہوئے ٹرین کی زد میں آکر دو لڑکیاں جاں بحق

دو قیمتی جانیں: سوشل میڈیا کے جنون کی قیمت

حیدر آباد(ڈیلی پاکستان آن لائن) سوشل میڈیا کے جنون نے ایک بار پھر 2 قیمتی جانیں لے لیں۔ حیدر آباد میں ٹک ٹاک بناتے ہوئے ٹرین کی زد میں آکر 2 طالبات جاں بحق ہو گئیں۔

یہ بھی پڑھیں: تمام کوآڈ کاپٹرز گرا دیے گئے، خوارج بھاگ کھڑے ہوئے، چن چن کر افغان طالبان رجیم کی پوسٹوں کو نشانہ بنایا جا رہا ہے، 22 کی ہلاکت کی مصدقہ اطلاعات : سیکیورٹی ذرائع

حادثے کی تفصیلات

پولیس کے مطابق حیدر آباد کے علاقے آٹوبھان روڈ پر واقع بابن شاہ ریلوے ٹریک پر افسوس ناک حادثہ اس وقت پیش آیا جب دونوں طالبات، جو ایک نجی انسٹی ٹیوٹ میں زیر تعلیم تھیں، ریلوے ٹریک پر چڑھ کر ٹک ٹاک ویڈیو بنا رہی تھیں۔

یہ بھی پڑھیں: بلوچستان سے اندرون ملک ٹرین سروس معطلی سے ریلوے کو اب تک کتنا نقصان ہوا ۔۔؟ جانیے

جاں بحق ہونے والی طالبات کی شناخت

جاں بحق ہونے والی طالبات کی شناخت 22 سالہ سونی دختر کشن لعل اور 25 سالہ رشنا دختر محمد قاسم کے نام سے ہوئی ہے۔ دونوں طالبات کا تعلق گاؤں وانکی وسی سے بتایا گیا ہے۔

یہ بھی پڑھیں: بھارت سے پانی، تجارت اور انسداد دہشت گردی پر سنجیدہ مذاکرات چاہتے ہیں، وزیراعظم

فوری کارروائی

حادثے کے فوراً بعد پولیس نے موقع پر پہنچ کر لاشیں تحویل میں لے کر ہسپتال منتقل کیں۔ پولیس کی جانب سے مزید تفتیش جاری ہے۔

شہری حلقوں کا ردعمل

شہری حلقوں نے سوشل میڈیا کے محفوظ اور ذمے دارانہ استعمال پر زور دیا ہے تاکہ اس قسم کے افسوسناک واقعات سے بچا جا سکے۔