عمران خان سے ملاقات کے لیے اڈیالہ جیل جانے والے پی ٹی آئی رہنماؤں اور فیملی ممبران کو پولیس نے تحویل میں لے لیا

راولپنڈی میں پی ٹی آئی رہنماؤں کی حراست

راولپنڈی (ڈیلی پاکستان آن لائن) - بانی پاکستان تحریک انصاف (پی ٹی آئی) سے ملاقات کے لیے اڈیالہ جیل جانے والے رہنماؤں کو پولیس نے حراست میں لے لیا۔

یہ بھی پڑھیں: میری بیٹی فلموں میں نہیں آرہی، کاجول نے واضح کردیا

حراست میں لیے گئے رہنما

راولپنڈی پولیس نے علیمہ خان، عظمیٰ خان، نورین خان اور قاسم نیازی کو تحویل میں لیا، جب کہ صاحبزادہ حامد رضا اور زرتاج گل کو بھی حراست میں لیا گیا۔

یہ بھی پڑھیں: ملائیشیا میں دفاعی نمائش، چینی لڑاکا طیارہ جے 10CE دنیا کی توجہ کا مرکز بن گیا

مزید رہنماؤں کی حراست

پولیس کی جانب سے اپوزیشن لیڈر قومی اسمبلی عمر ایوب اور اپوزیشن لیڈر پنجاب اسمبلی ملک احمد خان بچھر کو بھی تحویل میں لیا گیا ہے۔

ملاقات کی اجازت نہ ملنے پر صورتحال

واضح رہے کہ تمام رہنما آج بانی پی ٹی آئی سے ملاقات کے لیے اڈیالہ جیل پہنچے تھے، تاہم پولیس نے ملاقات کی اجازت نہیں دی تھی اور بعدازاں، تمام رہنما ایک زیر تعمیر پلازے میں چلے گئے تھے۔