ملک کے مختلف شہروں میں طوفانی بارش اور ژالہ باری کی پیشگوئی

طوفانی بارش کی پیشگوئی

اسلام آباد (ڈیلی پاکستان آن لائن) ملکی مختلف شہروں میں آج اور کل طوفانی بارش اور کچھ مقامات پر ژالہ باری کا امکان ہے۔

یہ بھی پڑھیں: محمد رضوان پی ایس ایل میں اچھا کھیل پیش کرنے کے لیے پر عزم

موسمی حالات کی وارننگ

نجی ٹی وی چینل دنیا نیوز کے مطابق، اسلام آباد، راولپنڈی سمیت پنجاب کے مختلف علاقوں میں شدید موسمی صورتحال کی وارننگ جاری کر دی گئی ہے۔ نیشنل ایمرجنسی آپریشن سینٹر نے الرٹ جاری کر دیا ہے۔

یہ بھی پڑھیں: حکومت کا قاضی فائز عیسی کی گاڑی پر حملہ کرنے والے پاکستانیوں کے خلاف سخت اقدام

متاثرہ شہروں کی فہرست

نیشنل ڈیزاسٹر مینجمنٹ اتھارٹی (این ڈی ایم اے) کے مطابق فیصل آباد، حافظ آباد، جھنگ، خوشاب اور میانوالی بھی شدید موسم کی زد پر آ سکتے ہیں۔ علاوہ ازیں، لاہور، نارووال، ساہیوال، سرگودھا اور شیخوپورہ کیلئے بھی موسم کا الرٹ جاری کیا گیا ہے۔

یہ بھی پڑھیں: پلوامہ واقعہ پر عمران خان سرکارنے مودی کیساتھ بھرپور تعاون کیا لیکن پہلگام واقعہ پر عاصم منیر نے بھارت کے دشمن والا سلوک کیا،بھارتی تجزیہ کار راجو پارولیکر

خیبر پختونخوا میں بارش اور برفباری

دوسری جانب 48 گھنٹوں میں خیبر پختونخوا کے مختلف علاقوں میں بارش اور برفباری کا امکان ہے، جس سے پہاڑی علاقوں میں لینڈ سلائیڈنگ اور برفانی تودے گرنے کا خدشہ ہے۔ مالاکنڈ، ہزارہ، بنوں، چارسدہ، کرک سمیت کئی اضلاع متاثر ہو سکتے ہیں۔ پشاور، مردان، نوشہرہ، سوات اور گردونواح میں بھی بارش کا امکان ہے، جس کے باعث سیلابی صورتحال پیدا ہو سکتی ہے۔

عوام کے لیے احتیاطی تدابیر

این ڈی ایم اے کی جانب سے شہریوں کو ہدایت کی گئی ہے کہ وہ غیر ضروری سفر سے گریز کریں اور موسمی حالات سے آگاہ رہنے کیلئے موبائل ایپ این ڈی ایم اے ڈیزاسٹر الرٹ کو فالو کریں۔