5 فلموں کا بزنس 2200 کروڑ، بالی وڈ اداکار جس نے کمائی میں رنبیر، الو ارجن کو بھی پیچھے چھوڑدیا

ممبئی کا منظر

گزشتہ سالوں کے دوران بالی وڈ کنگ شاہ رخ خان اور رجنی کانت جیسے سپر سٹارز نے باکس آفس پر راج کیا اور ان کی فلموں نے کھڑکی توڑ کمائی۔

یہ بھی پڑھیں: کار کھائی میں جا گری، 4 افراد جاں بحق، 2 زخمی

ایک غیر متوقع ستارہ

لیکن کیا آپ جانتے ہیں کہ ایک سٹار ایسا بھی ہے جو معروف نہ ہونے کے باوجود فلموں کی آمدنی میں کئی بڑے سٹارز کو پیچھے چھوڑنے میں کامیاب رہا؟ دلچسپ بات یہ ہے کہ اس اداکار کو بھارت کے سب سے چھوٹے اداکار (indian shortest actor) کے طور پر بھی جانا جاتا ہے کیوں کہ ان کا قد صرف 4 فٹ 8 انچ ہے۔

یہ بھی پڑھیں: الخدمت فاؤنڈیشن کی جانب سے غزہ مہاجرین کے لیے مصر، اردن، لبنان، القدس اور ویسٹ بینک میں 2915 جانور قربان

جعفر صادق کا تعارف

بھارتی میڈیا رپورٹ کے مطابق 27 سالہ جعفر صادق 5 سال سے بھارتی انڈسٹری کا حصہ ہیں، جعفر صادق شروعات میں تامل انڈسٹری میں ڈائریکٹرز کی پہلی پسند بن کر ابھرے۔

یہ بھی پڑھیں: نیپرا نے کے الیکٹرک کے لیے 7 سالہ ٹیرف کی منظوری دے دی

کیریئر کا آغاز

جعفر صادق نے بطور ڈانسر کیریئر کا آغاز کیا اور پھر اداکار کمل ہاسن کی فلم ’وکرم‘ میں ایک چھوٹے سے کردار سے انڈسٹری میں قدم جمائے، اس فلم کی کامیابی سے جعفر صادق کو شہرت حاصل ہوئی۔

یہ بھی پڑھیں: فلائی جناح کا احسن اقدام، لاہور اور ریاض کے درمیان براہ راست پروازوں کا آغاز

رجنی کانت اور بالی وڈ میں داخلہ

جعفر صادق کو رجنی کانت کی فلم ‘جیلر‘ میں دیکھا گیا جو ان کی پہلی فلم سے بھی زیادہ ہٹ رہی۔ 2023 میں انہوں نے شاہ رخ خان کی فلم ’جوان‘ سے بالی وڈ میں اینٹری دی اور ان کی آخری آن سکرین فلم ’بے بی جوہن‘ تھی۔

یہ بھی پڑھیں: تشدد کو رومانٹک بنا کر پیش کرنے پر اداکارہ مشی خان برہم ہو گئی

کردار اور کامیابی

اپنے مختصر فلمی کیریئر میں جعفر صادق کو ولن اور گینگسٹرز جیسے کرداروں کے طور پر جانا جاتا ہے، اگرچہ جعفر صادق نے فلموں میں مختصر کردار نبھائے لیکن ان کی فلمیں بزنس کے لحاظ سے کافی کامیاب رہیں۔

یہ بھی پڑھیں: ایران ایٹم بم بنانے کے قریب پہنچ گیا:عالمی توانائی ایجنسی کا دعویٰ

باکس آفس کے حیران کن اعداد و شمار

ان کی پہلی فلم ’وکرم‘ نے عالمی سطح پر 414 کروڑ بھارتی روپے، رجنی کانت کی فلم ’جیلر‘ نے 650 کروڑ بھارتی روپے کمائے اور سال کی سب سے زیادہ بزنس کرنے والی فلم کا اعزاز بھی حاصل کیا۔ اس کے بعد جعفر صادق کی بالی وڈ ڈیبیو فلم ’جوان‘ نے بھی بزنس کے تمام ریکارڈ توڑتے ہوئے 1150 کروڑ بھارتی روپے کمائے، مجموعی طور پر ان کی 5 فلمیں باکس آفس پر اب تک 2200 کروڑ سے زیادہ کا بزنس کرچکی ہیں۔

سپر سٹارز کا مقابلہ

اس عرصے کے دوران پربھاس، رجنی کانت، سنی دیول یا رنبیر کپور جیسے سپر سٹارز کی فلموں نے بھی باکس آفس پر اتنا زیادہ بزنس نہیں کیا۔ یاد رہے کہ آج بھی ان سب اداکاروں میں سر فہرست کنگ شاہ رخ خان ہیں، جن کی 2023 میں 3 فلمز ریلیز ہوئیں ، ان فلموں کا مجموعی بزنس 2600 کروڑ روپے تھا۔