بلاول بھٹو زرداری نے حکومت سے علیٰحدگی کا بیان دیا ہے، وہی پارٹی کا فیصلہ ہے، یوسف رضا گیلانی

یوسف رضا گیلانی کا بیان

حجرہ شاہ (ڈیلی پاکستان آن لائن) چیئرمین سینیٹ یوسف رضا گیلانی نے کہا ہے کہ اس بیان کی تائید کرتا ہوں کہ شیر جب بھی آتا ہے سب کچھ کھاجاتا ہے۔ بلاول بھٹو زرداری نے حکومت سے علیٰحدگی کا جو بیان دیا ہے وہی پارٹی کا فیصلہ ہے۔

یہ بھی پڑھیں: گینگ ریپ کیس کی مدعیہ نے دلبرداشتہ ہو کر زہریلی گولیاں کھا لیں

تعزیتی ملاقات

"ایکسپریس نیوز" کے مطابق، چیئرمین سینیٹ سید یوسف رضا گیلانی سجادہ نشین دربار عالیہ شاہ محمد مقیم سید اعجاز علی گیلانی کی وفات پر ان کی فیملی سے تعزیت کے لیے حجرہ شاہ پہنچے۔ سید یوسف رضا گیلانی نے سجادہ نشین سید اسد علی گیلانی، سید حیدر علی گیلانی اور ایم این اے سید رضا علی گیلانی سے تعزیت کی اور مرحوم کے ایصال ثواب کے لیے فاتحہ خوانی بھی کی۔

یہ بھی پڑھیں: خلیل الرحمان قمر کے ہنی ٹریپ کیس ، عدالت نے آمنہ عروج سمیت 12ملزمان پر فرد جرم عائد کردی

زرعی ترقی پر زور

ملاقات کے بعد میڈیا سے گفتگو میں چیئرمین سینیٹ نے کہا کہ شعبہ زراعت ملک میں ریڑھ کی ہڈی کی حیثیت رکھتی ہے۔ کسان خوشحال ہوگا تو ملک خوشحال ہوگا۔ شفاف الیکشن ہوں گے تو پاکستان پیپلز پارٹی پنجاب میں واضح اکثریت سے کامیاب ہوگی۔

فلسطین کی صورت حال

انہوں نے فلسطین کی صورت حال پر تشویش کا اظہار کرتے ہوئے کہا کہ فلسطین اور غزہ میں اسرائیل جارحیت اور مسلمانوں کا قتل عام بند کیا جائے۔