نادیہ حسین کے شوہر کے خلاف ایف آئی اے تحقیقات میں اہم پیش رفت، مزید 4 افراد کو طلب کرنے کا فیصلہ

اداکارہ نادیہ حسین کے شوہر کی گرفتاری

اسلام آباد (آئی این پی) اداکارہ نادیہ حسین کے گرفتار شوہر عاطف خان کے خلاف ایف آئی اے کی تحقیقات میں مزید پیشرفت ہوئی ہے۔

یہ بھی پڑھیں: اپوزیشن ارکان قومی اسمبلی سے واک آؤٹ کر گئے

ایف آئی اے کی تحقیقات میں نیا موڑ

ایف آئی اے نے سیکیورٹیز کمپنیز سے تعلق رکھنے والوں سمیت مزید 4 افراد کو طلب کرنے کا فیصلہ کیا ہے۔ متعلقہ افراد کے اکاونٹس میں 6 کروڑ سے زائد کی رقم بھیجی گئی تھی، جن میں سے دو افراد کا تعلق سیکیورٹیز کمپنیز سے ہے۔

رقم کی منتقلی کی تحقیقات

ایف آئی اے کا کہنا ہے کہ عاطف خان نے ان 4 افراد کو 6 کروڑ سے زائد رقم بھیجی۔ تحقیقات کا مقصد یہ جاننا ہے کہ یہ رقم کیوں منتقل ہوئی؟ ان افراد کو بیانات ریکارڈ کرانے کے لیے طلب کیا جائے گا۔