نواز شریف اور شہباز شریف نے متنازع کینال منصوبے پر پیپلزپارٹی کے تحفظات دور کرنے کی ہدایت کردی

نواز شریف اور شہباز شریف کی پیپلز پارٹی کے تحفظات دور کرنے کی ہدایت

اسلام آباد(آئی این پی) مسلم لیگ (ن) کے صدر نواز شریف اور وزیراعظم شہباز شریف نے متنازع کینال منصوبے پر پیپلز پارٹی کے تحفظات دور کرنے کی ہدایت کردی۔

یہ بھی پڑھیں: بالی ووڈ کی دو بڑی آئٹم گرلز میں ‘جنگ’ کا خطرہ، راکھی ساونت نے اروشی روٹیلا پر ‘حملہ’ کردیا

مشیر برائے بین الصوبائی رابطہ کا بیان

وزیراعظم کے مشیر برائے بین الصوبائی رابطہ رانا ثنا اللہ نے اپنے بیان میں کہا کہ قائد محمد نواز شریف اور وزیراعظم شہباز شریف نے پی پی پی سے بات چیت کے ذریعے مسائل کے حل کی ہدایت کی ہے۔ انہوں نے کہا کہ اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں۔

انہوں نے مزید کہا کہ پیپلز پارٹی وفاق کا حصہ ہے، اور آئینی عہدوں پر رہتے ہوئے بات زیادہ ذمہ داری سے کرنی چاہیے۔ ہمیں پی پی پی کی قیادت کا بہت احترام ہے۔

یہ بھی پڑھیں: وزیراعلیٰ پنجاب مریم نواز سے ایم ڈی اوورسیز پاکستانی فاؤنڈیشن کی ملاقات، پنجاب میں اہم اقدامات پر اتفاق

پانی کی تقسیم اور آئینی طریقہ کار

رانا ثنا اللہ نے اس بات پر زور دیا کہ 1991 میں صوبوں کے درمیان طے پانے والے معاہدے اور 1992 کے ارسا ایکٹ کی موجودگی میں کسی سے ناانصافی نہیں ہو سکتی۔ کسی صوبے کا پانی دوسرے صوبے کے حصے میں نہیں جا سکتا، اور اس کو یقینی بنانے کے لیے ملک میں آئینی طریقہ کار اور قوانین موجود ہیں۔

یہ بھی پڑھیں: پاک ،ترکیہ تعلقات باہمی احترام، مشترکہ اقدار اور پائیدار ثقافتی روابط پر مبنی ہیں: وزیر خزانہ پنجاب

مسائل کا حل اور وفاق کی مضبوطی

انہوں نے کہا کہ پانی کے مسئلے پر سیاست نہیں کرنی چاہیے، اور معاملات کو میز پر بیٹھ کر حل کرنا چاہئے۔ اکائیوں کی مضبوطی کو وفاق کی مضبوطی سمجھتے ہیں اور ماضی کی طرح اسی طرز عمل پر چلتے رہیں گے۔

تحفظ حقوق اور بات چیت کی اہمیت

رانا ثنا اللہ نے کہا کہ آئین و جمہوریت پر پختہ یقین رکھنے والی جماعت کے طور پر اکائیوں اور اس میں رہنے والے عوام کے حقوق کے تحفظ پر کوئی سمجھوتہ نہیں کریں گے۔ بات چیت اور مشاورت ہی ہر مسئلے کا حل ہے۔