سپیکر کے پی اسمبلی کو کرپشن الزامات میں کلین چٹ دینے پر پی ٹی آئی کی احتساب کمیٹی میں اختلافات

پشاور میں کرپشن الزامات کی تحقیقات

سپیکر خیبر پختونخوا اسمبلی، بابر سلیم سواتی، کو کرپشن الزامات کی تحقیقات میں کلین چٹ دینے والی انٹرنل احتساب کمیٹی میں اختلافات سامنے آگئے۔

یہ بھی پڑھیں: ججز کی تقرریوں میں سیاسی مداخلت کا کیس،بینچ کے دائرہ اختیار سے متعلق دلائل طلب

احتساب کمیٹی کے اندر کی صورت حال

احتساب کمیٹی کے رکن مصدق عباسی نے قاضی انور ایڈووکیٹ کی جانب سے رپورٹ پی ٹی آئی سیکرٹری جنرل سلمان اکرم راجا کو بھیجنے پر بھی اعتراض اٹھا دیا۔ قاضی انور ایڈووکیٹ نے بھی تسلیم کیا کہ تین رکنی کمیٹی کے رکن مصدق عباسی اس بات سے متفق نہیں ہیں کہ بابر سلیم سواتی نے کرپشن نہیں کی۔

یہ بھی پڑھیں: 100 برقی بسیں چین سے آج روانہ ہوں گی، مریم نواز

کمیٹی کے ایس او پیز کی خلاف ورزی

انہوں نے یہ بھی تسلیم کیا کہ کمیٹی کے ایس او پیز کے مطابق رپورٹ صرف بانی پی ٹی آئی کو بھیجی جا سکتی ہے لیکن سلمان اکرم راجا نے رپورٹ مانگی تھی اس لئے انہیں بھیج دی۔

یہ بھی پڑھیں: این ڈی ایم اے کی سال 2026 میں 22 سے 26 فیصد زائد بارشوں کی پیش گوئی

دیگر ارکان کی رائے

کمیٹی ذرائع کا کہنا ہے کہ کمیٹی کے دیگر دو ارکان مصدق عباسی اور شاہ فرمان دونوں ہی رپورٹ سلمان اکرم راجا کو بھیجنے پر نالاں ہیں۔

الزامات کی پس منظر

خیال رہے کہ اعظم سواتی نے سپیکر کے پی اسمبلی بابر سلیم سواتی پر کرپشن اور اختیارات کے ناجائز استعمال کے الزامات عائد کئے تھے جس پر بابر سلیم سواتی نے خود کو احتساب کے لئے پیش کیا تھا۔