دبئی میں پراپرٹی کی تاریخی خرید و فروخت، 3 ماہ میں 38 ارب ڈالر کے سودے
دبئی کی پراپرٹی مارکیٹ کی تاریخ ساز کارکردگی
دبئی (ڈیلی پاکستان آن لائن) متحدہ عرب امارات کی ریاست دبئی کی پراپرٹی مارکیٹ نے 2025 کی پہلی سہ ماہی میں تاریخی خریدو فرخت کی۔ نجی ٹی وی جیو نیوز کے مطابق سال کے ابتدائی 3 ماہ میں مجموعی طور پر 45474 پراپرٹی سودے ہوئے جن کی مالیت 142.7 ارب درہم (تقریباً 38 ارب امریکی ڈالر سے زائد) رہی۔
یہ بھی پڑھیں: شاہزیب خان: لگاتار سنچریاں بنانے والے اوپنر جو بابر اور سعید انور کے مداح ہیں
پراپرٹی کی تعداد اور مالیت میں اضافہ
دبئی کے رئیل اسٹیٹ کے اعداد و شمار کے مطابق پراپرٹی کی تعداد اور مالیت گزشتہ سال کی اسی مدت کے مقابلے میں بالترتیب 22 فیصد اور 30 فیصد اضافے کو ظاہر کرتی ہے۔
یہ بھی پڑھیں: نوجوان کھلاڑیوں کو موقع دینے کیلئے لاہور قلندرز کے ٹرائلز کا انعقاد
تیار شدہ پراپرٹی کی فروخت میں ریکارڈ اضافہ
دبئی میں تیار شدہ پراپرٹی (گھر، فلیٹ، عمارت) کے شعبے نے اب تک کی بہترین کارکردگی دکھائی جہاں 87.5 ارب درہم (تقریباً 25 ارب امریکی ڈالر) مالیت کے 20034 سودے ہوئے۔ یہ سودے گزشتہ دو سالوں کے ابتدائی تین ماہ کے موازنے میں 21 فیصد اور مالیت میں 34 فیصد اضافے کو ظاہر کرتے ہیں۔
یہ بھی پڑھیں: پی ٹی آئی اسٹیبلشمنٹ سے مذاکرات چاہتی ہے تو آئیں، ان کو بھی ساتھ بٹھا لیں، طارق فضل چوہدری نے پیشکش کردی۔
زیر تعمیر پراپرٹیز کی مقبولیت
دبئی کی پراپرٹی مارکیٹ میں زیر تعمیر (آف پلان) پراپرٹیز کی فروخت کا غلبہ رہا جو تمام سودوں کا 56 فیصد رہی۔ 25440 آف پلان سودے 55.2 ارب درہم (تقریباً 15.7 ارب امریکی ڈالر) کی مالیت کے رہے جو 2024 کے ابتدائی تین ماہ کے مقابلے میں 24 فیصد اضافے کو ظاہر کرتے ہیں۔
یہ بھی پڑھیں: آسٹریلیا سے ٹی ٹوئنٹی سریز میں وائٹ واش ہونے کے بعد قومی ٹیم کے کپتان کی گفتگو
دبئی کی رہائشی پراپرٹیز کی طلب میں اضافہ
تعمیرات کے شعبے سے وابستہ ماہرین کہتے ہیں کہ دبئی میں تیار شدہ پراپرٹیز کی فروخت کا اضافہ ظاہر کرتا ہے کہ بڑھتے ہوئے کرایوں کی وجہ سے رہائشی افراد گھر خریدنے پر زیادہ غور کر رہے ہیں۔
ابوظہبی کی مارکیٹ میں مہنگی پراپرٹیز کی مانگ
ابوظہبی کی پراپرٹی مارکیٹ نے بھی غیر معمولی تبدیلی کا مظاہرہ کیا جہاں تیار شدہ پراپرٹیز کی فروخت میں 9 فیصد اضافہ ہوا اور ان کی مالیت 75 فیصد بڑھ کر 9.6 ارب درہم (تقریباً 2.7 ارب امریکی ڈالر) تک پہنچ گئی۔
