دوسری شادی کرنے کی صورت میں بچے کی کسٹڈی کا حق دار کون؟ عدالت کا بڑا فیصلہ سامنے آ گیا

لاہور ہائی کورٹ کا فیصلہ

لاہور(ڈیلی پاکستان آن لائن) لاہور ہائی کورٹ کے جسٹس ایس رضا کاظمی نے بچوں کی حوالگی کے حوالے سے بڑا فیصلہ سناتے ہوئے، دوسری شادی کرنے کے باوجود ماں کو ہی بچے کی کسٹڈی کا حق دار قرار دے دیا۔

یہ بھی پڑھیں: ایرانی وزیر داخلہ کا محسن نقوی کوفون، سیلاب سے قیمتی جانوں کے ضیاع پر دکھ کا اظہار، مدد کی پیشکش

تحریری فیصلہ

نجی ٹی وی چینل ایکسپریس نیوز کے مطابق، جسٹس احسن رضا کاظمی نے نازیہ بی بی کی درخواست پر 4 صفحات پر مشتمل تحریری فیصلہ جاری کردیا۔ عدالت نے دوسری شادی کی بنیاد پر دس سالہ بچے کو ماں سے لیکر باپ کو دینے کا فیصلہ کالعدم قرار دے دیا۔

یہ بھی پڑھیں: چاند پر خلابازوں کے فضلے کا کیا کیا جائے؟NASA نے حل بتانے والے کیلئے بھاری رقم کی پیشکش کردی

بچوں کی فلاح و بہبود

فیصلے میں کہا گیا کہ بچوں کے حوالگی کے کیسز میں سب سے اہم نقطہ بچوں کی فلاح و بہبود ہونا چاہیے۔ عام طور پر ماں کو ہی بچوں کی کسٹڈی کا حق ہے۔ اگر ماں دوسری شادی کر لے تو یہ حق ضبط کر لیا جاتا ہے۔

یہ بھی پڑھیں: سونے اور چاندی کی قیمتوں میں مزید کمی ریکارڈ

ماں کا حق

فیصلے میں کہا گیا کہ یہ کوئی حتمی اصول نہیں ہے کہ ماں دوسری شادی کرنے پر بچوں سے محروم ہو جائے گی۔ غیر معمولی حالات میں عدالت ماں کی دوسری شادی کے باوجود بچے کی بہتری کے لئے اسے ماں کے حوالے کرسکتی ہیں۔

یہ بھی پڑھیں: پنجاب: موسم سرما میں سکول یونیفارم پالیسی میں نرمی کر دی گئی

موجودہ کیس کی اہمیت

فیصلے میں کہا گیا کہ موجودہ کیس میں یہ حقیقت ہے کہ بچہ شروع دن سے ماں کے پاس ہے۔ صرف دوسری شادی کرنے پر ماں سے بچے کی کسٹڈی واپس لینا درست فیصلہ نہیں، ایسے سخت فیصلے سے بچے کی شخصیت پر بہت برا اثر پڑ سکتا ہے۔

یہ بھی پڑھیں: پاکستان سعودی دفاعی معاہدہ کسی تیسرے ملک کے خلاف نہیں، خطے میں امن و استحکام میں کردار ادا کرے گا، ترجمان دفتر خارجہ

جج کا موقف

جج نے قرار دیا کہ موجودہ کیس میں میاں بیوی کی علیحدگی 2016 میں ہوئی۔ والد نے 2022 میں بچے کی حوالگی کے حوالے سے فیصلہ دائر کیا، اور والد اپنے دعوے میں یہ بتانے سے قاصر رہا کہ اس نے چھ سال تک کیوں دعویٰ نہیں دائر کیا۔

حوالگی کا دعویٰ

فیصلے میں کہا گیا کہ والد نے بچے کے خرچے کے دعوے ممکنہ شکست کے باعث حوالگی کا دعویٰ دائر کیا۔ ٹرائل کورٹ نے کیس میں اٹھائے گئے اہم نقاط کو دیکھے بغیر فیصلہ کیا۔ عدالت ٹرائل کورٹ کی جانب سے بچے کی حوالگی والد کو دینے کا فیصلہ کالعدم قرار دیتی ہے۔