خان اکیڈمی کا پاکستان میں اساتذہ کو اے آئی ٹولز کے ذریعے تربیت کی فراہمی کا معاہدہ
خان اکیڈمی اور کیئر فاونڈیشن کے مابین معاہدہ
اسلام آباد (ڈیلی پاکستان آن لائن ) خان اکیڈمی پاکستان اور کیئر فاونڈیشن کے درمیان اساتذہ کو جدید اے آئی ٹولز کے ذریعے تدریس کے عمل کو بہتر کرنے کا معاہدہ ہوا ہے۔
یہ بھی پڑھیں: غیر قانونی کرنسی میں ملوث بینک منیجر سمیت 4ملزمان گرفتار، کروڑوں مالیت کی رقم برآمد
مفاہمتی یادداشت (MoU)
نجی ٹی وی جیو نیوز کے مطابق خان اکیڈمی پاکستان نے کیئر فاونڈیشن کے ساتھ ایک مفاہمتی یادداشت (MoU) پر دستخط کئے ہیں، جس کے تحت دونوں ادارے مل کر خانمیگو (Khanmigo) کا پائلٹ پروگرام شروع کریں گے۔
یہ بھی پڑھیں: ایئر انڈیا حادثہ، بھارتی فلم ساز بھی لاپتا، آخری بار موبائل فون سنگل کہاں پر ٹریس ہوا؟
جدید ٹیکنالوجی کی فراہمی
یہ پروگرام پاکستان میں موجود کیئر فاونڈیشن کے سکولوں میں اساتذہ کو جدید مصنوعی ذہانت کی ٹیکنالوجی سے لیس کرے گا تاکہ تدریس کا معیار بہتر بنایا جا سکے۔
یہ بھی پڑھیں: قطر پر ایرانی حملہ، سعودی عرب کا بیان آ گیا
کیئر فاونڈیشن کی خدمات
کیئر فاونڈیشن گزشتہ 30 سالوں سے تعلیم کے میدان میں نمایاں خدمات انجام دے رہی ہے اور اس وقت ملک بھر میں 1100 سکولوں کو سپورٹ فراہم کر رہی ہے۔
یہ بھی پڑھیں: فلم پشپا کے اداکار الوارجن جیل سے رہا ہونے کے بعد مداحوں سے معافی مانگ لی
Khanmigo AI ٹولز کی خصوصیات
اس شراکت کے ذریعے اساتذہ کو Khanmigo AI جیسے جدید ٹولز فراہم کئے جائیں گے، جو نہ صرف سبق کی منصوبہ بندی میں مدد دیں گے بلکہ بچوں کی دلچسپی اور سیکھنے کے عمل کو بھی بہتر بنائیں گے۔
یہ بھی پڑھیں: سیف علی خان نے قطر میں پرتعیش گھر خرید لیا
کیئر فاونڈیشن کی چیئرپرسن کا بیان
مسز سیما عزیز، بانی و چیئرپرسن کیئر فاونڈیشن نے کہا کہ یہ شراکت ہماری اس سوچ کی عکاسی کرتی ہے کہ ہر بچے کو معیاری تعلیم تک برابر رسائی حاصل ہونی چاہئے۔ Khanmigo جیسے AI ٹولز کے ذریعے ہمارے اساتذہ مزید موثر انداز میں پڑھا سکیں گے اور بہتر نتائج لا سکیں گے۔
یہ بھی پڑھیں: آئی اے ای اے کی پاکستانی جوہری تنصیبات سے تابکاری کے اخراج کی تردید
خان اکیڈمی پاکستان کے سی ای او کا بیان
خان اکیڈمی پاکستان کے سی ای او ذیشان حسن نے کہا کہ ہمیں خوشی ہے کہ کیئر فاونڈیشن کے ساتھ مل کر پاکستان میں Khanmigo کا پائلٹ متعارف کروانے جا رہے ہیں۔ ہمیں امید ہے کہ یہ ٹول ہمارے اساتذہ کی روزمرہ تدریس میں مدد دے گا اور نئی نسل کے سیکھنے کے سفر کو بہتر بنائے گا۔
تعلیم میں AI کا مثبت استعمال
یہ پائلٹ پروگرام پاکستان میں تعلیم کے شعبے میں AI کے مثبت استعمال کی جانب ایک اہم قدم ہے، اگر کامیاب رہا تو یہ شراکت ملک بھر کے سکولوں میں ٹیکنالوجی کے موثر استعمال کی راہ ہموار کرے گی، جس سے سیکھنے اور سکھانے کا معیار بہتر ہو گا۔
