پشاور زلمی کافی مضبوط ٹیم ،بولنگ و بیٹنگ کو بہتر کیا ہے: بابر اعظم

پشاور زلمی کی مضبوطی

کراچی (ڈیلی پاکستان آن لائن) پشاور زلمی کے کپتان بابر اعظم کا کہنا ہے کہ پشاور زلمی پی ایس ایل 10 میں کافی مضبوط ٹیم ہے۔ انہوں نے مزید بتایا کہ پشاور زلمی نے کمزور ایریا کو مضبوط کرنے کی کوشش کی ہے۔

یہ بھی پڑھیں: عمران خان اور بشریٰ بی بی کیخلاف 190 ملین پاؤنڈز ریفرنس کی سماعت بغیر کارروائی ملتوی

بولنگ اور بیٹنگ کی بہتری

نجی ٹی وی جیو نیوز کے مطابق کراچی میں میڈیا سے گفتگو کرتے ہوئے انہوں نے کہا کہ پشاور زلمی نے بولنگ کو مضبوط بنایا ہے اور بیٹنگ کو بھی بہتر کیا ہے۔ غیر ملکی کھلاڑی بھی اچھے فنیشر ہیں، جو ٹیم کی کامیابی میں اہم کردار ادا کریں گے۔

یہ بھی پڑھیں: پاک بھارت کشیدگی، وہ ملک میدان میں آگیا جو ثالثی کا ماہر سمجھا جاتا ہے

مقامی کھلاڑیوں کی اہمیت

بابر اعظم نے کہاکہ پی ایس ایل میں جس ٹیم کے پاس مقامی کھلاڑی اچھے ہوتے ہیں، وہی ایک اچھی ٹیم بنتی ہے۔ ہمارے پاس مقامی کھلاڑیوں کا ایک اچھا بینچ موجود ہے۔

پلاننگ اور سیکھنے کا موقع

انہوں نے مزید کہا کہ مقامی کھلاڑیوں کو پلان دینا اور اس پر عمل درآمد کرنا ہوگا۔ ایمرجنگ کھلاڑیوں کو سینئر کھلاڑیوں کے ساتھ ڈریسنگ روم شیئر کرنے سے سیکھنے کا موقع ملے گا، جو ان کی ترقی کے لئے فائدہ مند ثابت ہوگا۔