فٹنس سے زیادہ اعظم خان کا کھیل اہمیت رکھتا ہے، شاداب خان

کراچی(ڈیلی پاکستان آن لائن) اسلام آباد یونائیٹڈ کے کپتان شاداب خان اپنی ٹیم کے وکٹ کیپر بیٹر اعظم خان کے دفاع میں سامنے آگئے۔ اتوار کو کراچی کنگز کے خلاف چھ وکٹوں سے فتح کے بعد، شاداب خان نے وکٹ کیپر بیٹر کی فٹنس پر اٹھنے والے سوالات کا بھرپور دفاع کیا۔

میچ کے بعد پریس کانفرنس میں شاداب خان نے کہا کہ اعظم خان کی کارکردگی ٹیم کے لیے بہت اہم ہے اور فٹنس سے زیادہ ان کا کھیل اہمیت رکھتا ہے۔ شاداب خان کا کہنا تھا کہ "اعظم کی فٹنس پر سوال نہیں اٹھنا چاہیے، ہم ان کے لیے کور کر لیتے ہیں اور وہ ہمیشہ اسلام آباد یونائیٹڈ کے لیے پرفارم کرتے ہیں۔

اسلام آباد یونائیٹڈ کے لیے کھیلنے والے اعظم خان نے کراچی کنگز کے خلاف میچ میں 30 گیندوں پر 31 رنز کی اننگز کھیل کر ٹیم کی جیت میں اپنا حصہ ڈالا تھا۔