وزیر خزانہ کی ایم ڈی آئی ایم ایف سے ملاقات، اصلاحات جاری رکھنے کی یقین دہانی

وزیر خزانہ کی آئی ایم ایف سے ملاقات

واشنگٹن(ڈیلی پاکستان آن لائن) وفاقی وزیر خزانہ سینیٹر محمد اورنگزیب نے عالمی مالیاتی فنڈ (آئی ایم ایف) کو اصلاحات جاری رکھنے کی یقین دہانی کرادی ہے۔

یہ بھی پڑھیں: وہاڑی میں ٹیوشن سینٹر سے نکلنے والے طلبہ پر نامعلوم افراد کی فائرنگ، 1 طالبعلم جاں بحق، 3 زخمی ہوگئے

اہم ملاقاتیں

نجی ٹی وی چینل دنیا نیوز کے مطابق دورہ واشنگٹن کے دوران وفاقی وزیر خزانہ کی اہم ملاقاتوں کا سلسلہ جاری ہے۔ اس موقع پر سینیٹر محمد اورنگزیب نے آئی ایم ایف کی منیجنگ ڈائریکٹر کرسٹالینا جورجیوا سے ملاقات کی۔

یہ بھی پڑھیں: آزاد کشمیر حکومت نے بجلی کے کروڑوں کے بقایا جات معاف کردیئے۔

سٹیج کی جانب سے معاہدہ

عالمی بینک اور آئی ایم ایف کے موسم بہار اجلاس کی سائیڈلائن پر ہوئی ملاقات میں وزیر خزانہ نے سٹاف سطح کے معاہدے پر اظہار تشکر کیا۔

یہ بھی پڑھیں: پاکستان سے سیریز میں ہم مکمل طور پر آؤٹ کلاس ہوئے ہیں، کپتان جوش انگلس

معاشی استحکام کا عزم

محمد اورنگزیب نے پائیدار معاشی استحکام کو یقینی بنانے کے حکومتی عزم کا اعادہ کیا اور معدنیات کے شعبے میں امریکا کے ساتھ تعاون جاری رکھنے کی خواہش کا بھی اظہار کیا۔

یہ بھی پڑھیں: اقتصادی تعاون تنظیم کے اعلیٰ سطحی وفد کا پنجاب سیف سٹیز اتھارٹی ہیڈکوارٹرز کا دورہ،تفصیلی بریفنگ

حکومتی اصلاحات کا عزم

وفاقی وزیر نے حکومت پاکستان کی جانب سے ٹیکس، توانائی، نجکاری اور سرکاری اداروں میں کی جانے والی اصلاحات جاری رکھنے کی مکمل یقین دہانی کرائی، اور وزیراعظم شہباز شریف کی جانب سے آئی ایم ایف سربراہ کو دورہ پاکستان کی دعوت کا بھی اعادہ کیا۔

یہ بھی پڑھیں: وفاقی وزیر رانا تنویر حسین سے کامسٹس یونیورسٹی کے نئے ریکٹر ڈاکٹر راحیل قمر کی ملاقات

عالمی بینک گروپ سے ملاقات

اس کے علاوہ سینیٹر محمد اورنگزیب نے عالمی بینک گروپ کے صدر اجے بانگا سے بھی ملاقات کی، ورلڈ بینک کے کنٹری پارٹنر شپ فریم ورک کی اہمیت پر زور دیا۔

یہ بھی پڑھیں: پریذیڈنٹ ون ڈے کپ، ایس این جی پی ایل، ایشال ایسوسی ایٹس اور سٹیٹ بینک کی کامیابی

محکمہ خزانہ کے ساتھ ملاقات

بعد ازاں سینیٹر محمد اورنگزیب نے امریکی محکمہ خزانہ کے اسسٹنٹ سیکرٹری رابرٹ کیپروتھ سے ملاقات کی، ملاقات میں انہوں نے پاکستان کی معاشی صورتحال سے آگاہ کیا۔ وفاقی وزیر خزانہ نے امریکی کاروباری شخصیات اور رہنماؤں سے بھی ظہرانے پر ملاقات کی، محمد اورنگزیب نے شرکاء کو پاکستان کے بہتر ہوتے معاشی اشاریوں بارے آگاہ کیا۔

یہ بھی پڑھیں: ٹرمپ نے اسرائیلی یرغمالیوں کی رہائی کیلئے حماس کو آخری وارننگ دے دی

نجی شعبے کی اصلاحات

اس سے پہلے وزیر خزانہ محمد اورنگزیب نے نائب صدر انٹرنیشنل فنانس کارپوریشن ہیلا شیخ روحو سے ملاقات کر کے نجی شعبے کی اصلاحات اور توانائی منتقلی کے شعبوں میں تعاون پر تبادلہ خیال کیا۔

توانائی کے شعبے میں اصلاحات

وزیر خزانہ نے امریکی کمپنی ڈیلوئٹ کی ٹیم سے ملاقات میں توانائی کے شعبے میں اصلاحات، معدنیات کی تلاش اور مارکیٹنگ پر بریفنگ دی۔