سیمنٹ کی بوری مہنگی ہو گئی

ملک میں سیمنٹ کی قیمتوں کا تجزیہ

کراچی (ڈیلی پاکستان آن لائن) گزشتہ ہفتے کے دوران ملک میں سیمنٹ کی ریٹیل قیمت میں اضافے کا رجحان جاری رہا۔

یہ بھی پڑھیں: امریکی صدارتی انتخابات 2024: وہ ریاست جہاں مشرق وسطیٰ کی جنگ نتائج پر اثر انداز ہو سکتی ہے

شمالی شہروں کی قیمتیں

نجی ٹی وی سما نیوز کے مطابق پاکستان بیورو برائے شماریات کا کہنا ہے کہ 17 اپریل کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1425 روپے ریکارڈ کی گئی جو پیوستہ ہفتے کے مقابلے میں 0.95 فیصد زیادہ ہے۔ پیوستہ ہفتے ملک کے شمالی شہروں میں سیمنٹ کی فی بوری کی اوسط ریٹیل قیمت 1411 روپے ریکارڈ کی گئی۔

یہ بھی پڑھیں: 190 ملین پاؤنڈز کیس؛ بشریٰ بی بی پیش ہوئیں نہ ملزمان نے جوابات جمع کرائے، سماعت ملتوی

جنوبی شہروں کی قیمتیں

ملک کے جنوبی شہروں میں سیمنٹ کی فی بوری کی اوسط ریٹیل قیمت 1384 روپے ریکارڈ کی گئی جو پیوستہ ہفتے کے مقابلے میں 0.20 فیصد کم ہے۔ پیوستہ ہفتے جنوبی شہروں میں سیمنٹ کی فی بوری کی اوسط ریٹیل قیمت 1387 روپے ریکارڈ کی گئی تھی۔

یہ بھی پڑھیں: اختر مینگل نے لکپاس دھرنا ختم کرنے کا اعلان کر دیا

علاقائی تفصیلات

گزشتہ ہفتے اسلام آباد میں سیمنٹ کی فی بوری اوسط ریٹیل قیمت 1387، راولپنڈی 1379، گوجرانوالہ 1440، سیالکوٹ 1440، لاہور 1497، فیصل آباد 1430، سرگودھا 1400، ملتان 1429، بہاولپور 1470، پشاور 1400 اور بنوں میں 1400 روپے ریکارڈ کی گئی۔