پوپ فرانسس کا تابوت آخری دیدار کیلئے رکھ دیا گیا، آخری رسومات کب ادا کی جائیں گی اور ان کا خرچہ کون دے گا؟

پوپ فرانسس کا جسد خاکی

ویٹی کن سٹی (ڈیلی پاکستان آن لائن) پوپ فرانسس کا جسد خاکی اس وقت ویٹی کن میں ان کی رہائش گاہ کے نجی چیپل میں کھلے تابوت میں رکھا گیا ہے، جہاں سوئس گارڈز اور کچھ کارڈینلز دعاؤں میں مصروف ہیں۔ بی بی سی کے مطابق کل صبح ان کا تابوت جلوس کی صورت میں سینٹ پیٹرز باسیلیکا منتقل کیا جائے گا، جہاں تین دن تک عوام کو آخری دیدار کی اجازت دی جائے گی۔

یہ بھی پڑھیں: Unity Festival Organized by the Saudi Pakistani Professionals Community with Exciting Workshops

پاپائی رہائش گاہ کی روایات

پاپائی رہائش گاہ کو روایتی طور پر موم سے بند کر دیا گیا ہے، جس سے "سیدے واکانتے" یعنی پوپ کی کرسی خالی ہونے کا باقاعدہ آغاز ہو چکا ہے، جب تک کہ نیا پوپ منتخب نہ ہو جائے۔ ہفتے کو پوپ فرانسس کی آخری رسومات ادا کی جائیں گی، جن میں دنیا بھر سے سربراہان مملکت کی آمد متوقع ہے۔ تاہم پوپ فرانسس نے اپنی زندگی میں ہی ہدایت دے دی تھی کہ ان کی تدفین سادگی سے کی جائے۔ انہوں نے اپنی آخری رسومات کے اخراجات کے لیے ایک مخیر شخص کو نامزد بھی کر رکھا تھا۔

تدفین کی جگہ

روایت سے ہٹ کر پوپ فرانسس کو ویٹی کن کے سینٹ پیٹرز میں دفن نہیں کیا جائے گا بلکہ روم کے وسط میں حضرت مریم کے نام سے منسوب ایک چرچ میں سپرد خاک کیا جائے گا، جہاں ان کی قبر پر صرف ان کا نام درج ہو گا۔