عمران خان سے ملاقات نہ کرنے دینا بچگانہ جبر ہے، سلمان اکرم راجہ

عمران خان کے وکیل سلمان اکرم راجہ کی گفتگو

راولپنڈی(ڈیلی پاکستان آن لائن) پاکستان تحریک انصاف( پی ٹی آئی) کے رہنما اور بانی پی ٹی آئی عمران خان کے وکیل سلمان اکرم راجہ نے کہا ہے کہ سارا معاملہ آپ کے سامنے ہے، ملاقات نہیں کرنے دی جا رہی، آئین، قانون، عدالت سب کچھ ایک طرف ہے، یہ بچگانہ جبر ہے، کیا حاصل کر لیں گے۔

یہ بھی پڑھیں: گھی اور کوکنگ آئل کی قیمتوں میں اضافہ مگر کتنا؟ جانئے

گور کھپور ناکہ پر میڈیا سے گفتگو

گور کھپور ناکہ پر میڈیاسے گفتگو کرتے ہوئے ان کا کہنا تھا کہ 3 ہفتوں سے مجھے اور بہنوں کو ملنے نہیں دیا گیا، تو کیا حاصل ہوگا، کسی دن تو ہم مل ہی لیں گے، یہ تو نہیں ہو سکتا کہ بانی کو قید تنہائی میں ڈال دیں یا ان کے ہاتھ میں دے دیں گے۔ انہوں نے کہا کہ یہ تو بچگانہ روش اور عمل ہے جس پر یہ کار فرما ہیں۔

یہ بھی پڑھیں: قیدی نمبر 804 کی تصاویر کے ساتھ ٹک ٹاک بنانے پر میڈیکل آفیسر کو ترقی مل گئی

صحافی کے سوال کا جواب

صحافی کو جواب دیتے ہوئے سلمان اکرم راجہ کا کہنا تھا کہ بہنوں سے ملاقات کی اجازت دی گئی ہے، یہ آپ کہہ رہے ہیں تو میں مان لیتا ہوں، جب تک بہنیں ملاقات کرکے واپس نہیں آئیں گی تو کیا بات کروں، ہم دیکھتے ہیں۔ جب وہ آئیں گی تو پھر پتہ چلے گا۔

آنے والی معلومات

ان کا کہنا تھا کہ ہماری لسٹ کے مطابق فیصل ملک ایڈوکیٹ کی بانی سے تفصیلی ہدایات دی گئی ہیں، اس کے بارے میں بعد میں آگاہ کریں گے۔ سلمان اکرم راجہ نے مزید کہا کہ امریکی وفد کی بانی پی ٹی آئی سے ملاقات کی بات غلط ہے، ہمارا بیک ڈور کسی سے رابطہ نہیں ہے، اسٹیبلشمنٹ حواس باختہ ہے، بانی پی ٹی آئی نے مجھے چیف جسٹس کو خط لکھنے کو کہا ہے۔