گھر کی صفائی کے دوران آدمی کو اپنے باپ کی 62 سال پرانی ایسی چیز مل گئی کہ راتوں رات کروڑ پتی بن گیا

پرانی بینک پاس بُک کی حیرت انگیز کہانی

سان تیاگو (ڈیلی پاکستان آن لائن) چلی کے شہری ایکسیکیئل ہینوجوسا کو اپنے گھر کی صفائی کے دوران کچرے میں ایک پرانی بینک پاس بُک ملی، جس نے ان کی زندگی بدل کر رکھ دی۔ یہ پاس بُک ان کے والد کی تھی جو ساٹھ اور ستر کی دہائی میں استعمال کی گئی تھی۔ ہینوجوسا کے والد نے اُس وقت گھر خریدنے کے ارادے سے رقم جمع کروائی تھی لیکن ان کی موت کے بعد خاندان کے کسی فرد کو اس رقم کا علم نہیں تھا۔

یہ بھی پڑھیں: مستونگ میں پولیس ٹرک کے قریب دھماکا، 3 اہلکار شہید 2 زخمی

حکومتی گارنٹی کی دریافت

نیوز 18 کے مطابق پاس بُک پر درج "سٹیٹ گارنٹی" کے الفاظ نے ہینوجوسا کی توجہ حاصل کی۔ اگرچہ متعلقہ بینک برسوں پہلے بند ہو چکا تھا، لیکن اس گارنٹی کا مطلب یہ تھا کہ بینک کی ناکامی کی صورت میں حکومت یہ رقم واپس کرے گی۔ ہینوجوسا نے جب حکومت سے رابطہ کیا تو ابتدائی طور پر اسے انکار کر دیا گیا جس کے بعد وہ عدالت چلے گئے۔

قانونی جنگ اور نتیجہ

طویل قانونی جنگ کے بعد عدالت نے حکومت کو ہدایت دی کہ ہینوجوسا کو اصل رقم بمعہ سود واپس کی جائے۔ بالآخر حکومت نے 1.2 ملین ڈالر (تقریباً 33 کروڑ 70 لاکھ روپے) کی ادائیگی کی، یوں ایک بظاہر بے قیمت کاغذ نے ہینوجوسا کو راتوں رات کروڑ پتی بنا دیا。