تو ہے کیا چیز، تو باہر مل: بھارتی عدالت میں ملزم کی خاتون جج کو دھمکیاں، ہنگامہ

دہلی میں عدالتی کمرے کا واقعہ

دہلی (آئی این پی) بھارتی دارالحکومت دہلی میں ایک عدالتی کمرہ اس وقت پرتشدد ہو گیا، جب ایک چیک باﺅنس کے کیس میں سزا یافتہ ملزم نے اپنے خلاف فیصلہ سنائے جانے پر وکیل کے ہمراہ خاتون جج کو باہر ملنے کی دھمکی دی۔

یہ بھی پڑھیں: خیبرپختونخوا سے ڈی چوک کیلئے پی ٹی آئی کا ہجوم نکلا تو ابتدائی طور پر ہی سب کے ہاتھ پائوں پھول گئے تھے کیونکہ ۔ ۔ ۔‘ سینئر صحافی نے اندر کی بات بتادی

معاملہ جوڈیشل مجسٹریٹ کے سامنے

بھارتی میڈیا رپورٹس کے مطابق یہ معاملہ جوڈیشل مجسٹریٹ شیوانگی منگلا کے سامنے پیش آیا، جنہوں نے ملزم کو 2 اپریل کو چیک باﺅنس کیس میں نیگوشی ایبل انسٹرومنٹ ایکٹ کی دفعہ 138 کے تحت مجرم قرار دیا تھا اور اسے ضمانتی مچلکے فراہم کرنے کا حکم دیا تھا۔

یہ بھی پڑھیں: پختونخوا کی جامعات میں نگراں دور کے دوران بھرتی 645 ملازمین کو فارغ کرنے کا حکم

ملزم کا ردعمل

رپورٹ کے مطابق خاتون جج کی جانب سے سزا کے فیصلے پر مجرم بھڑک گیا یہاں تک کہ اس نے مبینہ طور پر جج پر کچھ پھینکنے کی کوشش کی۔ اس نے اپنے وکیل سے کہا کہ وہ اس فیصلے کو تبدیل کرنے کے لیے جو کچھ بھی کرسکتے ہیں وہ کریں۔

دھمکیاں اور قانونی کارروائی

مذکورہ شخص نے خاتون جج کو دھمکاتے ہوئے کہا کہ "تو ہے کیا چیز، تو باہر مل پھر دیکھتے ہیں کہ کیسے زندہ گھر جاتی ہے۔" بھارتی میڈیا کے مطابق جج نے بتایا کہ ملزم اور اس کے وکیل اتل کمار نے صرف دھمکیاں ہی نہیں دیں بلکہ ان کے عہدہ چھوڑنے پر بھی روز دیا، تاہم انہوں نے پیچھے ہٹنے سے انکار کیا اور کہا کہ وہ انصاف کو یقینی بنانے کے لیے قانونی کارروائی ضرور کریں گی۔