سیف سٹی نے شہری کو 12 سال قبل چوری ہونے والی موٹر سائیکل کا چالان بھجوا دیا

سیف سٹی کی دلچسپ صورتحال

لاہور(آئی این پی) سیف سٹی نے 12 سال قبل چوری ہونے والی موٹر سائیکل ریکور کروانے کی بجائے شہری کو چالان بھجوا دیا۔

یہ بھی پڑھیں: سونا جمع کرنے والا ساتواں بڑا ملک: بھارت اتنی بڑی مقدار میں کیوں ذخیرہ کر رہا ہے؟

شہری کا انکشاف

نجی ٹی وی کے مطابق لاہور میں ایک دلچسپ صورتحال سامنے آئی جب سیف سٹی کیمروں نے آر ٹی فیشل انٹیلی جنس کے ذریعے ٹریفک کی خلاف ورزی پر شہری کے گھر چالان بھیجا۔ شہری امین کے مطابق اسے جس موٹر سائیکل کی ٹریفک خلاف ورزی کا چالان گھر پر موصول ہوا ہے وہ 12 سال پہلے چوری ہو گئی تھی۔ انہوں نے بتایا کہ موٹرسائیکل چوری کی ایف آئی آر بھی تھانے میں درج کروارکھی ہے۔

پولیس کی ناکامی

اتنے سال گزرنے کے باوجود پولیس موٹر سائیکل کا سراغ نہیں لگا سکی لیکن سیف سٹی کے کیمرے بتا رہے ہیں کہ وہ موٹر سائیکل اب بھی لاہور کی سڑکوں پر چل رہی ہے۔ میں نے اب اپنے تھانے کو چالان دکھایا ہے اور وہ کہہ رہے ہیں کہ ایک مرتبہ پھر سے وہ میری موٹرسائیکل کو ڈھونڈنے کی کوشش کریں گے۔