رانا ثنا اللہ کا ایاز لطیف پلیجو اور زین شاہ سے ٹیلیفونک رابطہ، کینال زوکارپوریٹ فارمنگ کے مسئلے پر مذاکرات کی پیشکش

ٹیلیفونک رابطہ

اسلام آباد (آئی این پی) وزیراعظم کے مشیر برائے سیاسی امور اور مسلم لیگ(ن) کے مرکزی رہنما رانا ثنا اللہ نے قومی عوامی تحریک کے سربراہ ایاز لطیف پلیجو اور کنوینر دریائے سندھ بچاؤ تحریک سید زین شاہ سے ٹیلیفونک رابطہ کیا ہے۔

یہ بھی پڑھیں: حسن ابدال لاری اڈے پر گدا گروں کا اجلاس، راولپنڈی اسلام آباد کے گداگروں نے بھیک مانگنے کے علاقوں اور ایام کا تعین کرلیا، خلاف ورزی پر جرمانوں کا فیصلہ

وزیراعظم کی ملاقات کی پیشکش

رانا ثنا اللہ نے ایاز لطیف پلیجو سے گفتگو کرتے ہوئے کہا کہ وزیراعظم شہباز شریف آپ سے ملنا چاہتے ہیں۔ اس موقع پر ایاز لطیف پلیجو نے کہا کہ 6 کینالز کے معاملے پر سندھ میں غصہ اور بے چینی موجود ہے۔ کینالز بنانے کا فیصلہ کر کے سندھ کے ساتھ شدید ناانصافی کی گئی۔

یہ بھی پڑھیں: لگتا نہیں کہ ٹرمپ انتظامیہ بانی پی ٹی آئی عمران خان کیلئے کوئی خاص قدم اُٹھائے گی، حامد خان کی رائے

کینالز کے مسئلے کا حل

رانا ثنا اللہ نے کہا کہ کینالز کے مسئلے کو وزیراعظم گفتگو کے ذریعے حل کرنا چاہتے ہیں۔ اگر مختلف جماعتوں کے نمائندوں کا وفد بنایا جائے تو ان سے بھی بات چیت ہوسکتی ہے۔ ایاز لطیف پلیجو نے کہا کہ حکومت فوری کینالز بنانے کا فیصلہ واپس لے تو مسئلہ حل ہو سکتا ہے۔

یہ بھی پڑھیں: وزیراعلیٰ مریم نواز کی پاکستانی کیوئسٹ محمد آصف کو ورلڈ سنوکر چیمپئن شپ ماسٹر کیٹیگری کا ٹائٹل جیتنے پر مبارکباد

سندھ کی مشترکہ مشاورت

ایاز لطیف پلیجو نے کہا کہ سندھ اس وقت سارے فیصلے مشترکہ مشاورت کے طور پر کر رہا ہے۔ سیاسی جماعتوں کا مشترکہ فیصلہ ہے کہ پہلے کینالز کا فیصلہ واپس لیا جائے۔

یہ بھی پڑھیں: بنگلہ دیش کی پاکستان سے 71 سے قبل کے 4.52 ارب ڈالرز کے اثاثوں کے مطالبے کی تیاری شروع، بنگالی میڈیا نے دعویٰ کردیا

زین شاہ سے گفتگو

وزیراعظم کے مشیر رانا ثنا اللہ نے کنوینر دریائے سندھ بچاؤ تحریک سید زین شاہ کو بھی ٹیلی فون کیا اور متنازع کینالز سے متعلق گفتگو کی۔ رانا ثنا اللہ نے کینالز اور کارپوریٹ فارمنگ کے مسئلے پر زین شاہ کو مذاکرات کی پیشکش کرتے ہوئے کہا کہ مسئلے پر وزیراعظم آپ سے ملاقات کرنا چاہتے ہیں۔

ایمانداری کا مطالبہ

سید زین شاہ نے جواب دیا کہ ہم دیگر جماعتوں اور وکلا ایکشن کمیٹی سے بات کریں گے اور آبادگاروں و اتحادیوں سے مشاورت کر کے آگاہ کریں گے۔ کنوینئر دریائے سندھ بچاؤ تحریک نے کہا کہ کینالوں اور کارپوریٹ فارمنگ کا منصوبہ واپس لینے کا اعلان کریں، جب تک اعلان نہیں کیا جاتا ہماری جدوجہد جاری رہے گی۔