رانا ثنا اللہ کا ایاز لطیف پلیجو اور زین شاہ سے ٹیلیفونک رابطہ، کینال زوکارپوریٹ فارمنگ کے مسئلے پر مذاکرات کی پیشکش

ٹیلیفونک رابطہ

اسلام آباد (آئی این پی) وزیراعظم کے مشیر برائے سیاسی امور اور مسلم لیگ(ن) کے مرکزی رہنما رانا ثنا اللہ نے قومی عوامی تحریک کے سربراہ ایاز لطیف پلیجو اور کنوینر دریائے سندھ بچاؤ تحریک سید زین شاہ سے ٹیلیفونک رابطہ کیا ہے۔

یہ بھی پڑھیں: اگر بانی پی ٹی آئی عمران خان کے بیٹے پاکستان آنا چاہتے ہیں تو حکومت کو ان کا خیرمقدم کرنا چاہیے: علی محمد خان

وزیراعظم کی ملاقات کی پیشکش

رانا ثنا اللہ نے ایاز لطیف پلیجو سے گفتگو کرتے ہوئے کہا کہ وزیراعظم شہباز شریف آپ سے ملنا چاہتے ہیں۔ اس موقع پر ایاز لطیف پلیجو نے کہا کہ 6 کینالز کے معاملے پر سندھ میں غصہ اور بے چینی موجود ہے۔ کینالز بنانے کا فیصلہ کر کے سندھ کے ساتھ شدید ناانصافی کی گئی۔

یہ بھی پڑھیں: ان ساتھیوں کا خصوصی طور پر شکریہ ادا کرنا چاہتا ہوں جنہوں نے ضمیر کی آواز پر ترمیم کو ووٹ دیا اور بڑی بہادری سے ووٹ دیا یہی تو جمہوریت ہے ، اسحاق ڈار

کینالز کے مسئلے کا حل

رانا ثنا اللہ نے کہا کہ کینالز کے مسئلے کو وزیراعظم گفتگو کے ذریعے حل کرنا چاہتے ہیں۔ اگر مختلف جماعتوں کے نمائندوں کا وفد بنایا جائے تو ان سے بھی بات چیت ہوسکتی ہے۔ ایاز لطیف پلیجو نے کہا کہ حکومت فوری کینالز بنانے کا فیصلہ واپس لے تو مسئلہ حل ہو سکتا ہے۔

یہ بھی پڑھیں: دہشتگردوں کا اسلام سے کوئی تعلق نہیں،وفاقی اور صوبائی حکومتیں اور عوام ملکر شکست دیں گے،عطا اللہ تارڑ

سندھ کی مشترکہ مشاورت

ایاز لطیف پلیجو نے کہا کہ سندھ اس وقت سارے فیصلے مشترکہ مشاورت کے طور پر کر رہا ہے۔ سیاسی جماعتوں کا مشترکہ فیصلہ ہے کہ پہلے کینالز کا فیصلہ واپس لیا جائے۔

یہ بھی پڑھیں: رافیل گرنے کے بعد امریکہ کی دفاعی برآمدات کو جھٹکا لگے گا اور چینی اسلحے کی مانگ بڑھے گی، سی این این کا تجزیہ

زین شاہ سے گفتگو

وزیراعظم کے مشیر رانا ثنا اللہ نے کنوینر دریائے سندھ بچاؤ تحریک سید زین شاہ کو بھی ٹیلی فون کیا اور متنازع کینالز سے متعلق گفتگو کی۔ رانا ثنا اللہ نے کینالز اور کارپوریٹ فارمنگ کے مسئلے پر زین شاہ کو مذاکرات کی پیشکش کرتے ہوئے کہا کہ مسئلے پر وزیراعظم آپ سے ملاقات کرنا چاہتے ہیں۔

ایمانداری کا مطالبہ

سید زین شاہ نے جواب دیا کہ ہم دیگر جماعتوں اور وکلا ایکشن کمیٹی سے بات کریں گے اور آبادگاروں و اتحادیوں سے مشاورت کر کے آگاہ کریں گے۔ کنوینئر دریائے سندھ بچاؤ تحریک نے کہا کہ کینالوں اور کارپوریٹ فارمنگ کا منصوبہ واپس لینے کا اعلان کریں، جب تک اعلان نہیں کیا جاتا ہماری جدوجہد جاری رہے گی۔