پنجاب اور سندھ کے اضلاع میں گندم کی تیار فصل میں آگ لگنے سے کسانوں کو لاکھوں کا نقصان

گندم کی فصل میں آگ لگنے کے واقعات

لاہور (ڈیلی پاکستان آن لائن) پنجاب کے مختلف اضلاع اور سندھ کے ضلع نوشہروفیروز میں گندم کی تیار فصل میں آگ لگنے کے نتیجے میں کسانوں کے لاکھوں روپے ڈوب گئے۔

یہ بھی پڑھیں: کوٹ عبدالمالک میں 14 سالہ بچی سے مبینہ زیادتی، شہریوں نے ملزم کو درگت بنا کر پولیس کے حوالے کر دیا

لودھراں میں آگ کے زیادہ واقعات

نجی ٹی وی جیو نیوز کے مطابق گندم کی تیار فصل میں آگ لگنے کے سب سے زیادہ واقعات لودھراں میں ہوئے، جہاں صرف 2 ہفتوں کے دوران گندم کی فصل کو آگ لگنے کے 30 واقعات پیش آئے۔

یہ بھی پڑھیں: سپین کے ایئر پورٹ پر جہاز میں آگ لگنے کی افواہ کے بعد ہنگامی صورتحال، 18 افراد زخمی

دیگر متاثرہ علاقے

اسی طرح سے حافظ آباد میں درجن بھر کے قریب حادثات پیش آئے، جبکہ سرگودھا، خوشاب، بہاولپور، ڈی جی خان اور سندھ کے ضلع نوشہروفیروز میں بھی دو واقعات ہوئے، جس کی وجہ سے کسانوں کو لاکھوں روپے مالیت کا نقصان ہوا۔

یہ بھی پڑھیں: ایس پی شہر بانو نقوی نے ڈاکٹر علی زین کے سنگین الزامات کی تردید کردی

آگ لگنے کی وجوہات

ریسکیو حکام کے مطابق، گندم کو آگ لگنے کی عام وجہ گندم کی باقیات کو جلانا ہے، جو ساتھ کھڑی فصل کو بھی متاثر کرتی ہے۔ کبھی کبھار لوگ جلتی ہوئی سگریٹ کھیتوں میں پھینک دیتے ہیں، جس سے آگ لگ جاتی ہے۔ بعض جگہوں پر شکرگڑھ میں باراتیوں کی جانب سے آتش بازی کی وجہ سے بھی گندم کے کھیت میں آگ لگی۔