علی ترین نے ملتان سلطانز کے موجودہ کنٹریکٹ ختم ہونے کے بعد دوبارہ بڈ کرنے کا اعلان کردیا

ملتان سلطانز کے مالک کا بیان

ملتان (ڈیلی پاکستان آن لائن) پاکستان سپر لیگ (پی ایس ایل) کی مقبول فرنچائز ملتان سلطانز کے مالک علی ترین نے واضح کیا ہے کہ وہ آئندہ سیزن میں ٹیم کو ری بڈ کرنے کا ارادہ رکھتے ہیں، اور اس حوالے سے یہ تاثر غلط ہے کہ وہ بولی میں حصہ نہیں لیں گے۔

یہ بھی پڑھیں: پنجاب کے 170 محکموں میں سرکاری ادائیگیوں کیلیے آن لائن بلنگ سلوشن متعارف کروا دیا گیا

صحافیوں سے گفتگو

ملتان کرکٹ اسٹیڈیم میں صحافیوں سے گفتگو کرتے ہوئے علی ترین نے کہا: "یہ میرا حق ہے کہ میں موجودہ کنٹریکٹ ختم ہونے کے بعد اسے چھوڑ دوں اور ری بڈ کروں۔ ہماری کوشش ہوگی کہ کراچی کنگز کے آس پاس بولی دیں۔"

پچھلی انتظامیہ کی مشکلات

انہوں نے کہا کہ "ہم سے پہلے جو ملتان سلطانز کے اونر تھے انہوں نے ٹیم اس لیے چھوڑی تھی کہ بہت زیادہ نقصان ہورہا تھا۔ ہمیں پتہ ہے کہ ہم نے کتنی بڈ کرنی ہے۔ کنٹریکٹ میں بھی یہ موجود ہے کہ اگر کنٹریکٹ میں ویلیو پسند نہ آئی تو ہم اسے چھوڑ کر ری بڈ کرسکتے ہیں۔"