12 ہزار افغان باشندوں کا پاکستانی دستاویزات استعمال کرکے سعودی عرب جانے کا انکشاف

پاکستانی دستاویزات کے غلط استعمال کا انکشاف

اسلام آباد (ڈیلی پاکستان آن لائن) میں 12 ہزار افغان باشندوں کی جانب سے پاکستانی دستاویزات استعمال کرکے سعودی عرب جانے کا انکشاف ہوا ہے۔

یہ بھی پڑھیں: یو ایس ایڈ بند کرانے والے ٹرمپ کے اہم عہدیدار پیٹ ماروکو نے وزارت خارجہ چھوڑ دی

پاسپورٹ ڈی جی کی بریفنگ

نجی ٹی وی جیو نیوز کے مطابق، قائمہ کمیٹی داخلہ کے اجلاس میں بریفنگ دیتے ہوئے ڈی جی پاسپورٹ مصطفی جمال قاضی نے بتایا کہ 12 ہزار افغان باشندے پاکستانی دستاویزات استعمال کرکے سعودی عرب گئے اور وہاں جاکر پاکستانی پاسپورٹ ڈمپ کئے۔

یہ بھی پڑھیں: وفاقی کابینہ کا اجلاس شروع، 26 ویں آئینی ترمیم کے مسودہ کی منظوری دیدی

فیک پاسپورٹ کی کارروائیاں

ڈی جی پاسپورٹ کے مطابق، تمام فیک پاسپورٹ منسوخ کئے گئے ہیں اور فیک پاسپورٹ والوں کو سعودی عرب نے افغانستان ڈی پورٹ کیا۔ ان واقعات میں گجرات، گوجرانوالہ اور کے پی سے بڑی تعداد میں فیک پاسپورٹ کی اجرائی ہوئی تھی۔

یہ بھی پڑھیں: آج لاہور کی جیلوں سے زیر حراست ملزمان کی عدالت پیشی ملتوی

سسٹم میں مداخلت اور اصلاحات

اس دوران، ممبر لیگل نادرا نے بتایا کہ 2023 کے سسٹم میں بڑی مداخلت ہوئی تھی جس پر جے آئی ٹی بنی اور پھر سسٹم کی سیکیورٹی کو بہتر کیا گیا۔

سخت کارروائیاں اور ایف آئی آر کی تعداد

حکام نے یہ بھی بتایا کہ پاسپورٹ اور امیگریشن کے 35 افسران فیک پاسپورٹ کے اجرائ پر فارغ کئے گئے، جبکہ نادرا نے 34 ایف آئی آر درج کیں۔ مزید برآں، 7 ہزار کے شناختی کارڈز کی تصدیق کی گئی، اور قومی دھارے میں شامل کرنے کےلئے نادرا نے شناختی کارڈ بنانے کی پالیسی بنائی تھی۔