ولادیمیر، رک جاؤ! ہر ہفتے ۵ ہزار فوجی مر رہے ہیں” ٹرمپ کا پیوٹن کیلئے پیغام

ٹرمپ کا پیغام

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے اپنے سوشل میڈیا پلیٹ فارم 'ٹرتھ سوشل' پر روسی صدر ولادیمیر پیوٹن کو مخاطب کرتے ہوئے کیف پر حملوں پر ناراضی کا اظہار کیا۔ انہوں نے لکھا "یہ ضروری نہیں اور بہت برا وقت ہے۔ ولادیمیر، رک جاؤ! ہر ہفتے پانچ ہزار فوجی مر رہے ہیں۔ امن معاہدہ کر لیں۔"

یہ بھی پڑھیں: وزیر اعلیٰ پنجاب کا مستونگ گرلز ہائی سکول بم دھماکہ میں قیمتی انسانی جانوں کے ضیاع پر اظہار افسوس

یوکرین کی صورتحال

الجزیرہ ٹی وی کے مطابق یوکرین کی فوج کا کہنا ہے کہ روس نے رات بھر میں 215 ہوائی اہداف پر حملے کیے جن میں کروز میزائل اور ڈرونز شامل تھے جس سے کم از کم آٹھ افراد ہلاک ہو گئے۔ یوکرینی صدر زیلنسکی نے کہا کہ امریکہ کی طرف سے روس پر کوئی مضبوط دباؤ نظر نہیں آ رہا اور انہوں نے بلا شرط جنگ بندی کی اپیل دہرائی۔

روس کا جواب

روس کی وزارت دفاع نے دعویٰ کیا کہ ان کے حملوں کے مقاصد حاصل ہو گئے ہیں اور ان کا نشانہ یوکرین کی فوجی صنعتی سہولیات تھیں۔ یورپی رہنماؤں نے بھی کیف پر حملوں کی مذمت کی ہے۔