امریکہ نے بھارت میں موجود اپنے شہریوں کے لیے الرٹ جاری کردیا

نئی دہلی(ڈیلی پاکستان آن لائن) بھارت میں امریکی سفارت خانے نے اپنے شہریوں کےلیے الرٹ جاری کردیا۔

سفارت خانے کا پیغام

امریکی سفارت خانے کی جانب سے بھارت میں موجود امریکی شہریوں سے کہا گیا ہے کہ وہ مقبوضہ جموں کشمیر کا سفر نہ کریں۔ سفارت خانے کے الرٹ میں کہا گیا ہے کہ جموں و کشمیر میں دہشت گرد حملوں، پرتشدد واقعات اور بے امنی کا خطرہ موجود ہے۔

فائرنگ کا واقعہ

خیال رہے کہ امریکی سفارت خانے نے یہ الرٹ 22 اپریل کو مقبوضہ جموں و کشمیر کے سیاحتی علاقے پہلگام میں سیاحوں پر فائرنگ کے واقعے کے بعد جاری کیا گیا ہے۔ اس حملے میں 26 سیاح ہلاک اور متعدد زخمی ہوگئے تھے۔