تھائی لینڈ میں پولیس کا طیارہ گرکر تباہ، 6 افراد ہلاک

تھائی لینڈ میں طیارہ حادثہ

بنکاک(ڈیلی پاکستان آن لائن) تھائی لینڈ کی پولیس کا چھوٹا طیارہ ساحل کے قریب سمندر میں گر گیا جس کے نتیجے میں جہاز میں سوار 6 افراد ہلاک ہو گئے۔

یہ بھی پڑھیں: نائب وزیراعظم اسحاق ڈار کی افغان وزیراعظم ملا حسن اخوند سے اہم ملاقات

حادثے کی تفصیل

بین الاقوامی میڈیا کے مطابق تھائی لینڈ کے ہواہن ایئر پورٹ کے قریب سمندر میں مقامی پولیس کا ٹوئن اوٹر طیارہ حادثے کا شکار ہو گیا۔

یہ بھی پڑھیں: حکومت عمران خان کی رہائی اور مذاکرات کے حوالے سے سنجیدہ سوچ نہیں رکھتی: منیب فاروق

پولیس کی جانب سے تصدیق

تھائی نیشنل پولیس نے اپنے سوشل میڈیا پیج پر واقعے کی تفصیل میں بتایا ہے کہ پولیس ایوی ایشن ڈویژن کا یہ طیارہ افسران کی پیرا شوٹ تربیت کے لیے آزمائشی پرواز پر تھا۔

حادثے کا وقت اور متاثرین

تھائی ایمرجنسی سینٹر نے بتایا ہے کہ یہ حادثہ صبح سوا 8 بجے پیش آیا ہے، طیارے میں ایک پائلٹ اور 5 پولیس اہلکار سوار تھے۔