کوئٹہ میں دھماکا، 4 ایف سی اہلکار شہید، متعدد افراد زخمی
دھماکا کوئٹہ کے علاقے مارگیٹ میں
کوئٹہ(ڈیلی پاکستان آن لائن) کوئٹہ کے علاقے مارگیٹ میں فورسز کے بم ڈسپوزل سکواڈ کے قریب دھماکے میں 4 ایف سی اہلکار شہید اور 3 زخمی ہوگئے۔
یہ بھی پڑھیں: گلگت بلتستان کے علاقے استور میں باراتیوں کی بس کھائی میں جا گری ، 18افراد جاں بحق
سیکیورٹی ذرائع کی اطلاعات
نجی ٹی وی چینل آج نیوز کے مطابق سیکیورٹی ذرائع کا کہنا ہے کہ بلوچستان کے دارالخلافہ مارگیٹ کے علاقے میں سیکیورٹی فورسز کے بم ڈسپوزل سکواڈ کے قریب زور دار دھماکا ہوا۔ اس واقعے میں کم از کم 4 ایف سی اہلکار شہید اور 3 زخمی ہوگئے۔
یہ بھی پڑھیں: امریکا میں سیاسی سمت کی تبدیلی، کیا دنیا ایک نئے توازن کی طرف بڑھ رہی ہے؟ علی حیدر زیدی
دھماکے کے بعد کی کارروائیاں
رپورٹ کے مطابق دھماکے کے بعد فورسز کی بھاری نفری اور ریسکیو ٹیمیں علاقے میں پہنچ گئیں۔ شہید اہلکاروں کی لاشیں اور زخمیوں کو ہسپتال منتقل کردیا گیا۔
یہ بھی پڑھیں: کس کے نام رہا رواں برس کا نوبل انعام برائے طب؟
شہید اور زخمی اہلکاروں کی تفصیلات
سیکیورٹی ذرائع کے مطابق شہید ہونے والوں میں صوبیدار شہزاد امین، نائب صوبیدار عباس، سپاہی خلیل اور سپاہی زاہد شامل ہیں۔ زخمیوں کی شناخت لانس نائیک ظفر، لائنس نائیک فاروق اور سپاہی خرم سلیم کے ناموں سے ہوئی ہے۔
یہ بھی پڑھیں: ڈپٹی کمشنر لاہورنے 6 سے 8 فروری بسنت فیسٹیول کا ضابطہ اخلاق جاری کر دیا
تحقیقات کا آغاز
ذرائع کا کہنا ہے کہ فورسز کی بھاری نفری نے علاقے کو گھیرے میں لے لیا ہے، تحقیقات اور ملزمان کی تلاش شروع کردی گئی ہے۔
پچھلے واقعے کا ذکر
واضح رہے کہ گزشتہ روز بلوچستان میں قلات کے دیہی علاقے امیری میں کبوتو کے مقام پر سڑک کنارے نصب امپرووائزڈ ایکسپلوسیو ڈیوائس (آئی ای ڈی) کے دھماکے میں 2 خواتین اور بچوں سمیت 4 افراد جاں بحق اور 5 شدید زخمی ہوئے تھے۔
