پہلگام حملہ‘ فرحان سعید نے بھارتی میڈیا کو مشورہ دیدیا

فرحان سعید کا بھارتی میڈیا پر ردعمل

لاہور (آئی این پی) معروف پاکستانی گلوکار و اداکار فرحان سعید نے بھارتی میڈیا کی جانب سے پاکستان کے خلاف ہرزہ سرائی اور جارحیت کو ہوا دینے پر شدید برہمی کا اظہار کیا۔

یہ بھی پڑھیں: مسلم لیگ ن کے صدر نواز شریف مختصر دورے پر لندن پہنچ گئے

پہلگام حملے پر تعزیت

واقعے کے بعد فرحان سعید نے اپنی انسٹاگرام اسٹوری میں لکھا تھا کہ پہلگام حملے کے متاثرین اور ان کے خاندانوں کے لیے دل کی گہرائیوں سے تعزیت۔ وہ اس افسوسناک واقعے کی مذمت کرنے میں پیش پیش تھے اور بھارتی میڈیا کے غیر ذمہ دارانہ رویے پر ناپسندیدگی کا اظہار کرتے نظر آئے۔

بھارتی میڈیا کی تنقید

اداکار نے اپنے انسٹاگرام اکاؤنٹ پر ایک اسٹوری شیئر کر کے بھارتی میڈیا کی جارحیت بھرے کردار کو بے نقاب کیا۔ انہوں نے کہا کہ پہلگام میں جو کچھ ہوا وہ جتنا افسوسناک ہے، اتنا ہی عجیب بھارتی میڈیا کو دیکھنا ہے۔ فرحان سعید نے بھارتی میڈیا کو انتہائی غیر ذمہ دار اور جارحیت پسند قرار دیا اور مزید کہا کہ 'یہ پہلی دفعہ نہیں ہوا اور مجھے یقین ہے کہ یہ آخری بار بھی نہیں ہے، یہ مزید بدتر ہوتا جائے گا۔' انہوں نے بھارتی میڈیا کو ذمہ دارانہ انداز اپنانے کا مشورہ بھی دیا۔