پاکستان ایٹمی طاقت ہے، جنگ کی تو بہت مارے گا: سابق بھارتی جنرل

بھارتی جنرل کا پاکستان کے ایٹمی طاقت ہونے پر انتباہ

نئی دہلی (ڈیلی پاکستان آن لائن) سابق بھارتی جنرل نے حال ہی میں بیان جاری کرتے ہوئے خبردار کیا کہ پاکستان اب بھی ایک ایٹمی قوت ہے اور جنگ کو برداشت کرنے کی کافی صلاحیت رکھتا ہے۔

یہ بھی پڑھیں: چیئرمین بحریہ ٹاؤن ملک ریاض حسین اور دیگر کے حکومتی معاملات طے پا گئے، عبداللہ گل کا دعویٰ، عمر چیمہ کا بھی تبصرہ آگیا

پہلگام واقعہ

روزنامہ امت نے میڈیا رپورٹس کے حوالے سے بتایا کہ ریٹائرڈ بھارتی فوج کے افسر لیفٹیننٹ جنرل ایچ ایس پناگ نے پہلگام واقعے کو افسوسناک قرار دیتے ہوئے اسے سیاحوں پر ہونے والا سب سے مہلک حملہ قرار دیا۔

یہ بھی پڑھیں: خیبرپختونخوا حکومت کا ضم اضلاع کیلئے 275 ملین ڈالرز قرض لینے کا انکشاف

حکمت عملی اپنانے کی ضرورت

رپورٹ کے مطابق جنرل ایچ ایس پناگ نے بھارتی حکام کو جذبات میں آ کر جوابی کارروائی کرنے کے بجائے سوچ سمجھ کر حکمت عملی اپنانے کی ضرورت پر زور دیا ہے۔

یہ بھی پڑھیں: اسپیکر قومی اسمبلی کا وزیراعظم شہباز شریف کے اقوام متحدہ سے خطاب پر اظہارِ خیال

جذبات کی بنیاد پر فیصلہ نہ کرنے کا مشورہ

ریٹائرڈ جنرل کا کہنا تھا کہ بھارتی حکومت کو عوامی جذبات کی بنا پر جلد بازی میں فیصلہ نہیں کرنا چاہئے۔

یہ بھی پڑھیں: ابراہیم علی خان نے پلک تیواری کیساتھ افیئر پر خاموشی توڑ دی

پاکستان کی طاقت کے بارے میں انتباہ

انہوں نے خبردار کیا کہ پاکستان اب ایک ایٹمی طاقت ہے اور محدود جنگ کو برداشت کرنے کی کافی صلاحیت رکھتا ہے۔ "بھارت کے پاس کسی بھی میدان میں میزائل، ڈرون یا فضائی، سمندری طاقت کوئی بڑا تکنیکی فائدہ نہیں ہے جو وہ بغیر کسی خطرے کے جوابی حملے کر سکے۔"

یہ بھی پڑھیں: حلف نہ اٹھانے پر مراد سعید کی رکنیت ختم نہیں ہو گی، قانون میں گنجائش موجود ہے، مجیب الرحمان شامی

جوابی کارروائی کی صلاحیت

سابق بھارتی لیفٹیننٹ جنرل ایچ ایس پناگ نے اعتراف کیا کہ پاکستان کے پاس جوابی کارروائی کرنے کی صلاحیت موجود ہے، لہٰذا ہمیں اس کے لئے تیار رہنا چاہئے۔

مقبوضہ کشمیر میں افسوسناک واقعہ

یاد رہے کہ 22 اپریل کو مقبوضہ کشمیر کے مسلمان اکثریتی علاقے اور مشہور سیاحتی مقام پر فائرنگ کے واقعے میں 26 سیاح ہلاک ہوگئے تھے۔