پاک بھارت کشیدگی، ٹرمپ کا حیران کن بیان آگیا

ٹرمپ کا بیان

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے کہا ہے کہ بھارت اور پاکستان اپنے مسائل خود حل کر لیں گے۔

یہ بھی پڑھیں: شنگھائی تعاون تنظیم کے ایگزیکٹیو ڈائریکٹر ریجنل اینٹی ٹیررسٹ سٹرکچر کی چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات

مقبوضہ کشمیر کا تنازعہ

خبر ایجنسی روئٹرز کے مطابق، صدر ٹرمپ، جو ایئر فورس ون میں صحافیوں سے بات کر رہے تھے، نے مقبوضہ کشمیر کے متنازعہ سرحدی علاقے میں تاریخی تنازعے کا حوالہ دیا۔ انہوں نے کہا کہ وہ دونوں ممالک کے رہنماؤں کو جانتے ہیں، لیکن یہ بتانے سے گریز کیا کہ آیا وہ ان سے رابطہ کریں گے یا نہیں۔ انہوں نے مزید کہا کہ یہ تنازعہ ایک ہزار سال سے جاری ہے، "کشمیر کے بارڈر پر کشیدگی ایک ہزار سال سے بھی زیادہ، بلکہ ڈیڑھ ہزار سال پرانی ہے۔"

یہ بھی پڑھیں: آئی سی سی میں جے شاہ کے بعد ایک اور اہم عہدے پر بھارتی تعینات

معاملے کی سنگینی

واضح رہے کہ صدر ٹرمپ نے یہ بات معاملے کی سنگینی کو ظاہر کرنے کے لیے کہی ہے، کیونکہ پاکستان اور انڈیا کو آزاد ہوئے ابھی 80 سال بھی نہیں ہوئے۔ انہوں نے کہا، "وہ کسی نہ کسی طرح معاملہ طے کر لیں گے۔ پاکستان اور بھارت کے درمیان شدید تناؤ ہے، مگر ایسا ہمیشہ سے رہا ہے۔"

یہ بھی پڑھیں: اسرائیلی فضائیہ کو ایران میں مکمل آزادی، کسی قسم کی مزاحمت کا خوف نہیں، الجزیرہ ٹی وی کی تہلکہ خیز رپورٹ

حالیہ واقعات

خیال رہے کہ منگل کے روز مقبوضہ کشمیر کے ایک سیاحتی مقام پر پیش آنے والے واقعے میں 26 افراد کو گولی مار کر ہلاک کر دیا گیا۔ بھارتی حکومت کا کہنا ہے کہ اس حملے میں پاکستانی عناصر ملوث تھے، تاہم پاکستان نے اس دعوے کی سختی سے تردید کی ہے۔

یہ بھی پڑھیں: راولپنڈی میں شوہر نے سسرال میں تیز دھار آلے سے بیوی کی جان لے لی

تعلقات کی کشیدگی

حالیہ حملے کے بعد دونوں ممالک کے تعلقات مزید بگڑ چکے ہیں۔ بھارت نے پانی کی تقسیم سے متعلق سندھ طاس معاہدہ معطل کر دیا ہے، جبکہ پاکستان نے بھارتی ایئرلائنز کے لیے اپنی فضائی حدود بند کر دی ہیں۔ تجارتی تعلقات بھی خطرے میں پڑ گئے ہیں۔

مالی مارکیٹس پر اثرات

جمعے کے روز بھارتی سٹاک مارکیٹس میں شدید گراوٹ دیکھنے میں آئی، کیونکہ کشیدگی میں ممکنہ اضافے کے خدشات پیدا ہو گئے تھے۔