جنگ مسلط کرنے کی کوشش کی گئی تو اپنے سپہ سالار کی قیادت میں بھارت کو منہ توڑ جواب دیں گے: قومی یکجہتی کا نفرنس سے علماء کا خطاب
لاہور میں قومی یکجہتی کانفرنس
لاہور (ڈیلی پاکستان آن لائن) صوبائی دارالحکومت لاہور میں ڈویژنل انتظامیہ کے زیر اہتمام قومی یکجہتی کانفرنس کا انعقاد کیا گیا جس کی صدارت چیئرمین مرکزی رویت ہلال کمیٹی پاکستان /خطیب و امام بادشاہی مسجد لاہور سفیر امن مولانا سید محمد عبدالخبیر آزاد نے کی۔ اس موقع پر مختلف اعلیٰ عہدیداروں اور علمائے کرام نے شرکت کی۔
یہ بھی پڑھیں: پاکستان میں براہ راست غیر ملکی سرمایہ کاری میں کمی
خطاب میں اہم نکات
کانفرنس سے سفیر امن مولانا سید محمد عبدالخبیر آزاد نے خطاب کرتے ہوئے کہا کہ وطن عزیز پاکستان اللہ تعالیٰ کی نعمت عظمیٰ ہے جو اسلام اور کلمہ طیبہ کے نام پر حاصل کیا گیا اور لاکھوں انسانوں کی قربانیوں کے بعد معرض وجود میں آیا۔انہوں نے کہا کہ پاکستان کی سلامتی و تحفظ کیلئے ہمیں ایک ہونا چاہیے اور علماء کرام کو قومی یکجہتی، مذہبی ہم آہنگی اور ملکی وحدت کے لیے اپنا کردار ادا کرنا چاہیے۔
یہ بھی پڑھیں: ویوو نے پاکستان میں Y400 متعارف کروا دیا، اداکار خوشحال خان برانڈ ایمبیسیڈر مقرر
دہشت گردی کے خلاف آواز
مولانا سید محمد عبدالخبیر آزاد نے دہشت گردی کے خاتمے اور تشدد سے پاک معاشرے کے قیام کی ضرورت پر زور دیتے ہوئے کہا کہ "پیغام پاکستان" کا فروغ ہم سب کی ذمہ داری ہے، جس میں فرقہ واریت اور دہشت گردی کو حرام قرار دیا گیا ہے۔
یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟
مودی حکومت کے خلاف مؤقف
انہوں نے پہلگام حملے کو جھوٹ کا پلندہ اور مودی حکومت کی چال قرار دیتے ہوئے کہا کہ بھارت ہمیشہ اقلیتوں کو نقصان پہنچانے کی کوششوں میں مصروف ہے۔ اگر انڈیا نے جنگ مسلط کرنے کی کوشش کی تو ہم اپنے سپہ سالار کی قیادت میں بھارت کو منہ توڑ جواب دیں گے۔
یہ بھی پڑھیں: وزیراعلیٰ مریم نواز کا معروف براڈکاسٹر یاسمین طاہر کے انتقال پر اظہار افسوس
پاکستان کی مسلح افواج کی قربانیاں
مولانا نے وزیر اعظم پاکستان میاں محمد شہباز شریف اور سپہ سالار پاکستان حافظ جنرل عاصم منیر کی تعریف کی اور کہا کہ پاکستانی قوم اپنی مسلح افواج کے ساتھ کھڑی ہے۔
یہ بھی پڑھیں: سابق انگلش فاسٹ بولر ٹونی پگوٹ 67 برس کی عمر میں انتقال کر گئے
فلسطینیوں کے ساتھ یکجہتی
مولانا سید محمد عبدالخبیر آزاد نے فلسطین اور غزہ کے مسلمانوں کے ساتھ کھڑے ہونے کے عزم کا اظہار کیا اور اسلامی ممالک سے اسرائیل کے خلاف فیصلہ کن کردار ادا کرنے کی اپیل کی۔
اختتام پر شکر گزاریاں
کانفرنس کے اختتام پر ایڈیشنل کمشنر لاہور عبدالسلام عارف اور ڈی آئی جی لاہور فیصل کامران نے تمام شرکاء کا شکریہ ادا کیا۔
