ملک بھر میں گرمی کی لہر برقرار، محکمہ موسمیات نے ہیٹ ویو کا نیا الرٹ جاری کر دیا

گرمی کی لہر برقرار

اسلام آباد(ڈیلی پاکستان آن لائن) ملک بھر میں شدید گرمی کی لہر برقرار ہے، محکمہ موسمیات نے ہیٹ ویو کا نیا الرٹ جاری کر دیا۔

یہ بھی پڑھیں: روپے کی قدر میں کمی، ڈالر مہنگا ہوگیا

درجہ حرارت کی پیشن گوئی

نجی ٹی وی چینل ہم نیوز کے مطابق محکمہ موسمیات کا کہنا ہے کہ سندھ، جنوبی پنجاب اور بلوچستان میں درجہ حرارت معمول سے 5 سے 7 ڈگری زیادہ رہنے کا امکان ہے۔

یہ بھی پڑھیں: دنیا کے آلودہ ترین شہروں میں لاہور کا پہلا نمبر، سینئر صوبائی وزیر مریم اورنگزیب کا اہم بیان

موسم کی صورتحال

موسمیات کا کہنا ہے کہ آج اسلام آباد اور گردونواح اور پنجاب کے بیشتر اضلاع میں موسم گرم اور خشک رہے گا، پنجاب میں دن کا درجہ حرارت معمول سے 4 سے 6 ڈگری زیادہ رہنے کا امکان ہے۔

علاقائی تفصیلات

اس کے علاوہ سندھ اور بلوچستان کے بیشتر اضلاع میں درجہ حرارت معمول سے 5 سے 7 ڈگری جبکہ خیبر پختونخوا درجہ حرارت 4 سے 6 ڈگری زیادہ رہے گا، گلگت بلتستان اور کشمیر میں بھی موسم خشک رہے گا۔