لڈو کھیلتے ہوئے جھگڑا، 10 سالہ بچے نے دوست کی جان لے لی

کراچی میں جان لیوا لڑائی

کراچی (ڈیلی پاکستان آن لائن) سپر ہائی وے جنجال گوٹھ کے علاقے میں ایک معمولی جھگڑا جان لیوا لڑائی میں بدل گیا۔

یہ بھی پڑھیں: وکلاء اور حکومت ایک ہی ٹیم کی طرح کام کر رہے ہیں: وزیر قانون پنجاب صہیب احمد بھرتھ

بچوں کے درمیان جھگڑا

نجی ٹی وی چینل آج نیوز کے مطابق پولیس کا کہنا ہے کہ دو کمسن بچوں کے درمیان لڈو گیم کھیلتے ہوئے تلخ کلامی ہوئی، جو دیکھتے ہی دیکھتے سنگین جھگڑے میں تبدیل ہوگئی۔ اس دوران 10 سالہ علی نے اپنے دوست ابوبکر پر حملہ کردیا، جس کے نتیجے میں ابوبکر جان کی بازی ہار گیا۔

یہ بھی پڑھیں: پنجاب حکومت دلہن کو ایک لاکھ سلامی، فرنیچر، ملبوسات، ڈنر سیٹ اور 13 خصوصی اشیا گفٹ کرے گی

واقعے کی تفصیلات

پولیس نے بتایا کہ جاں بحق ہونے والے بچے کی شناخت 10 سالہ ابوبکر کے نام سے کی گئی ہے، جبکہ ملزم بچے کی شناخت بھی 10 سالہ علی کے نام سے ہوئی ہے۔ افسوسناک واقعے کے بعد مقتول ابوبکر کی لاش ضابطے کی کارروائی کے لیے ہسپتال منتقل کردی گئی۔

معمولی جھگڑے کا سنگین نتیجہ

سائٹ سپر ہائی وے پولیس نے فوری کارروائی کرتے ہوئے کم عمر قاتل علی کو گرفتار کرلیا ہے۔ پولیس حکام کے مطابق ابتدائی تفتیش میں یہ بات سامنے آئی ہے کہ دونوں بچے لڈو کھیلنے کے دوران جھگڑے میں الجھ گئے تھے، جس کے نتیجے میں یہ افسوسناک سانحہ پیش آیا۔