روڈ ٹو مکہ پراجیکٹ، سعودی عرب کا 45 رکنی وفد انتظامات کا جائزہ لینے پہنچ گیا

سعودی وفد کا دورہ پاکستان

اسلام آباد (ڈیلی پاکستان آن لائن) سعودی عرب کا 45 رکنی وفد روڈ ٹو مکہ پراجیکٹ انتظامات کا جائزہ لینے کے لیے پاکستان پہنچ گیا۔ وزارت مذہبی امور کے مطابق منصوبے کے تحت 50 ہزار 500 حاجی سعودی عرب جائیں گے۔

یہ بھی پڑھیں: موت زندگی کی سب سے بڑی حقیقت ہے: ڈاکٹر حسین قادری کا دعائیہ تقریب سے خطاب

حج 2025ء کے لئے تیاری

نجی ٹی وی سما نیوز کے مطابق حج 2025ء کے سلسلے میں روڈ ٹو مکہ پراجیکٹ انتظامات کا جائزہ لینے کے لیے 45 رکنی سعودی وفد پاکستان پہنچ گیا۔ وزارت مذہنی امور کے حکام نے روڈ ٹو مکہ وفد کا اسلام آباد انٹرنیشنل ایئرپورٹ پر استقبال کیا۔

یہ بھی پڑھیں: اٹک؛ پی ٹی آئی کی مرکزی قیادت سمیت 15ہزار نامعلوم کارکنان کیخلاف مقدمہ درج

حاجیوں کی تعداد اور پروازیں

وزارت مذہبی امور کا کہنا ہے کہ روڈ ٹو مکہ پراجیکٹ کے تحت پروازوں کے ذریعے 50 ہزار 500 حاجی سعودی عرب جائیں گے، جن میں اسلام آباد سے 28 ہزار اور کراچی سے 21 ہزار حاجی شامل ہوں گے۔

یہ بھی پڑھیں: ججز کے لیے مختص کراکری استعمال کرنے پر ججز ریسٹ ہاؤس کے عملے کو کارروائی کا سامنا

پروازوں کی تفصیلات

حکام نے بتایا کہ اسلام آباد سے 100 اور کراچی سے 80 پروازیں آپریٹ ہوں گی، جبکہ حج عازمین کے لیے اسلام آباد اور کراچی ایئرپورٹ پر کاؤنٹرز قائم کیے جائیں گے۔

امیگریشن کا عمل

وزارت مذہبی امور کا کہنا ہے کہ روڈ ٹو مکہ پراجیکٹ میں پاکستانی عازمین حج کی امیگریشن سعودی عرب کی بجائے پاکستان میں ہی مکمل کی جائے گی۔