جلد ہی کورسک ریجن میں یوکرینی فوج کی باقیات کا صفایا کر دیا جائے گا، روسی خبر ایجنسی کی تہلکہ خیز رپورٹ

ماسکو کی تازہ ترین خبریں

ماسکو (ڈیلی پاکستان آن لائن) روس کے ریاستی خبر رساں ادارے آر آئی اے کے مطابق ایک روسی فوجی کمانڈر نے صدر ولادیمیر پیوٹن کو اطلاع دی ہے کہ کورسک ریجن میں یوکرینی فوج کے جو منتشر دستے باقی ہیں انہیں جلد تباہ کر دیا جائے گا۔

یہ بھی پڑھیں: گلوکار سانول عیسی خان خیلوی کا نیا گیت ‘ریئر’ ریلیز کردیا گیا

گورنال کا کنٹرول حاصل

کمانڈر نے بتایا کہ روسی افواج نے گورنال نامی بستی کا دوبارہ کنٹرول حاصل کر لیا ہے اور اب اس کے گلی محلوں میں اپنی پوزیشنیں مضبوط کر چکی ہیں، جبکہ گورنال کے مغرب اور جنوب میں جنگلاتی علاقوں کو بھی کلیئر کرنے کا عمل جاری ہے۔

یہ بھی پڑھیں: قیام پاکستان سے قبل کانگریس کے جلسے اورایک حافظ صاحب کی تلاوت، حبیب اکرم نے دلچسپ قصہ سنادیا

پیوٹن کا دعویٰ

برطانوی خبر ایجنسی روئٹرز کے مطابق صدر پیوٹن نے ہفتے کے روز دعویٰ کیا تھا کہ کورسک میں یوکرینی فورسز کی جانب سے کی جانے والی کارروائی مکمل طور پر ناکام ہو چکی ہے اور انہیں آخری گاؤں سے بھی نکال دیا گیا ہے۔

کیف کے دعوے

دوسری جانب کیف نے کہا ہے کہ اس کے دستے ابھی مکمل طور پر کورسک سے پسپا نہیں ہوئے اور وہ بیلگورود سمیت دیگر سرحدی روسی علاقوں میں بھی سرگرم ہیں。