وہ مزاحیہ مسلمان اداکار جو بڑے ہیروز سے کئی گنا زیادہ پیسے چارج کرتا تھا – بولی وڈ

محمود علی: ایک لازوال مزاحیہ اداکار

ممبئی (ڈیلی پاکستان آن لائن) بالی وڈ کے مزاحیہ اداکار محمود علی، جنہیں دنیا صرف "محمود" کے نام سے جانتی ہے، ایک ایسا نام تھے جو 1940 کی دہائی سے 1970 کی دہائی تک بھارتی سنیما پر چھائے رہے۔ نیوز 18 کے مطابق محمود نے اپنی مزاحیہ اداکاری، چہرے کے تاثرات اور بے مثال ادائیگی سے نہ صرف لاکھوں دل جیتے بلکہ فلمی دنیا میں ایسا مقام حاصل کیا جو بڑے بڑے ہیروز کے حصے میں بھی نہ آیا۔

یہ بھی پڑھیں: سپریم کورٹ میں 26 ویں آئینی ترمیم کے خلاف ایک اور درخواست دائر

فلمی دنیا میں خاص مقام

ایک وقت تھا جب فلم پروڈیوسرز کسی بھی فلم میں محمود کی موجودگی کو لازمی سمجھتے تھے، چاہے فلم کا موضوع کچھ بھی ہو۔ اسی مقبولیت کے باعث وہ اپنے دور کے سب سے مہنگے اداکار بن گئے تھے۔ رپورٹ کے مطابق محمود نے صرف دو ہفتوں کی شوٹنگ کے لیے ساڑھے سات لاکھ روپے معاوضہ وصول کیا جبکہ اس دور کے بڑے اداکار جیسے سنیل دت، دھرمیندر، شمی کپور اور راجندر کمار مکمل فلم کے لیے پانچ لاکھ روپے سے کم معاوضہ لیتے تھے۔

یہ بھی پڑھیں: جی ایچ کیو گیٹ حملہ کیس، شاہ محمود قریشی کو فرد جرم کے لیے 25 نومبر کو پیش کرنے کا حکم

خصوصی کردار اور کامیابیاں

محمود کی فلم دو پھول میں ان کے دوہرے کرداروں "پھٹن" اور "چٹن" کی اداکاری نے ان کی شہرت کو نئی بلندیوں تک پہنچایا۔ ان کی موجودگی اس قدر جاندار ہوتی تھی کہ کئی بڑے ہیروز ان کے ساتھ سکرین شیئر کرنے سے کتراتے تھے۔ محمود نے اپنے چار دہائیوں پر محیط شاندار کیریئر میں 300 سے زائد فلموں میں اداکاری کی اور ہر کردار میں ناظرین کو قہقہے لگانے پر مجبور کیا۔ عمر کے آخری حصے میں بھی وہ انداز اپنا اپنا اور گڈو جیسی فلموں میں مختصر لیکن یادگار کرداروں میں نظر آئے۔

آخری لمحات

محمود کا انتقال 23 جولائی 2004 کو امریکی ریاست پنسلوانیا میں ہوا، جہاں وہ دل کے مرض کے علاج کے لیے زیرِ علاج تھے۔ ان کی میت ممبئی کے مشہور محبوب سٹوڈیو لائی گئی، جہاں مداحوں نے انہیں آخری الوداع کہا۔