کوئٹہ گلیڈی ایٹرز نے پشاور زلمی کو 64 رنز سے شکست دے دی

لاہور میں شاندار میچ

لاہور (ڈیلی پاکستان آن لائن) پاکستان سپر لیگ سیزن 10 کے 17ویں میچ میں کوئٹہ گلیڈی ایٹرز نے پشاور زلمی کو 64 رنز سے شکست دے کر شاندار کامیابی حاصل کی۔

یہ بھی پڑھیں: کراچی، ٹریول گینگ کا مبینہ کارنامہ، عمرے پر جانے والی فیملی سعودی عرب میں پھنس گئی

میچ کی تفصیلات

قذافی اسٹیڈیم لاہور میں کھیلے گئے اس میچ میں پشاور زلمی نے ٹاس جیت کر کوئٹہ گلیڈی ایٹرز کو پہلے بیٹنگ کی دعوت دی۔ کوئٹہ نے مقررہ 20 اوورز میں 7 وکٹوں کے نقصان پر 178 رنز اسکور کیے۔

یہ بھی پڑھیں: ساہیوال کے ہسپتال میں رکن اسمبلی کی فیملی کو پروٹوکول نہ دینے پر 2ٹرینی ڈاکٹرز کیخلاف انکوائری کا حکم جاری

کوئٹہ گلیڈی ایٹرز کی اننگز

کوئٹہ کی اننگز کا آغاز کپتان سعود شکیل اور فن ایلن نے کیا۔ مجموعی اسکور 46 رنز تک پہنچا تو فن ایلن 31 رنز بنا کر آؤٹ ہو گئے۔ بعدازاں ریلی روسو نے 27، سعود شکیل اور کوشال مینڈس نے 32، 32 رنز کی اننگز کھیلیں۔ مارک چیمین نے 33 رنز جوڑے، جبکہ فہیم اشرف 1 اور حسن نواز 8 رنز بنا سکے۔

یہ بھی پڑھیں: گندم کے کاشتکاروں کے لیے 1000 مفت ٹریکٹر، فی ایکڑ 5 ہزار کیش گرانٹ سکیم کا آغاز ہو گیا

پشاور زلمی کی بولنگ

پشاور زلمی کی جانب سے الرازی جوزف نے شاندار بولنگ کرتے ہوئے 3 کھلاڑیوں کو آؤٹ کیا، صائم ایوب نے 2 اور لک وڈ نے ایک وکٹ حاصل کی۔

یہ بھی پڑھیں: پی ٹی آئی نے جلد ملک گیر تحریک شروع کرنے کا اعلان کردیا

پشاور زلمی کی ناکامی

179 رنز کے ہدف کے تعاقب میں پشاور زلمی کی بیٹنگ لائن بری طرح ناکام رہی اور پوری ٹیم 15.2 اوورز میں 114 رنز پر ڈھیر ہو گئی۔ حسین طلعت 39 رنز کے ساتھ ٹاپ اسکورر رہے۔

یہ بھی پڑھیں: پاکستان بزنس کونسل دبئی کا کارپوریٹ ٹیکس، ٹرانسفر پرائسنگ اور ای-انوائسنگ پر معلوماتی اجلاس

پشاور زلمی کی اننگز کا آغاز

پشاور زلمی کی اننگز کا آغاز صائم ایوب اور کپتان بابر اعظم نے کیا، مگر دونوں کھلاڑی جلد پویلین لوٹ گئے۔ صائم ایوب نے 5 اور بابر اعظم نے 12 رنز بنائے۔ دیگر بیٹرز میں ٹام کوہلر کیڈمور 5، محمد حارث 17، مچل اون 15، عبدالصمد 2، لک وڈ 8، سفیان مقیم 4 اور الرازی جوزف بغیر کوئی رن بنائے آؤٹ ہوئے۔

کوئٹہ گلیڈی ایٹرز کے بولرز کی کارکردگی

کوئٹہ گلیڈی ایٹرز کے بولرز میں فہیم اشرف نے عمدہ کارکردگی دکھاتے ہوئے 5 وکٹیں حاصل کیں، خرم شہزاد نے 2 جبکہ محمد عامر، محمد وسیم اور ابرار احمد نے ایک ایک وکٹ اپنے نام کی۔