بھارتی فوج کی اجتماعی سزا سے کشمیری متنفر ہوجائیں گے: وزیراعلیٰ مقبوضہ کشمیر

وزیر اعلیٰ مقبوضہ کشمیر کا بیان

سری نگر (ڈیلی پاکستان آن لائن) وزیر اعلیٰ مقبوضہ کشمیر عمر عبداللہ نے کہا ہے کہ پہلگام واقعے کے بعد آپریشن کی آڑ میں ریاستی دہشتگردی پر کشمیری قیادت کی طرف سے تنقید کی جا رہی ہے۔

یہ بھی پڑھیں: بھارت، پہلگام فالس فلیگ کا پردہ چاک کرنے پر آسام کا مسلمان رکن قانون ساز اسمبلی گرفتار

بھارتی حکومت کی نئی کارروائیاں

نجی ٹی وی جیو نیوز کے مطابق بھارتی حکومت نے اسرائیل کی روش پر چلتے ہوئے مقبوضہ جموں و کشمیر میں آزادی پسند کشمیریوں کے مکانات گرانا شروع کر دیے ہیں۔ کشمیری میڈیا کے مطابق اتوار کو بھارتی فورسز نے مقبوضہ کشمیر میں 4 گھروں کو گرا دیا، 3 دن میں پلوامہ، اننت ناگ، شوپیاں، کلگام، بندی پوری اور کپواڑا میں 10 گھر گرائے گئے جبکہ گھروں کو زیادہ تر بارودی مواد کے ذریعے تباہ کیا گیا۔

اجتماعی سزا کے اثرات

وزیراعلیٰ مقبوضہ کشمیر عمر عبداللہ نے کہا ہے کہ بھارتی سکیورٹی فورسز معصوم لوگوں کو نشانہ بنارہی ہیں اور اجتماعی سزا سے کشمیری متنفر ہوجائیں گے۔ انہوں نے کہا کہ کسی فرد واحد کے فعل کی سزا اس کے پورے خاندان کو نہیں دی جا سکتی۔