وزیراعظم پی ٹی آئی سمیت تمام پارٹیوں کو ایک جگہ بٹھائیں، فیصل واوڈا کا اے پی سی بلانے کا مطالبہ

سینیٹر فیصل واوڈا کا بیان

اسلام آباد (ڈیلی پاکستان آن لائن) سینئر سیاستدان سینیٹر فیصل واوڈا نے کہا ہے کہ جب ملک کی بات ہوگی تو ہم سب متحد ہیں۔ وزیراعظم بھارت کے ساتھ تنازع پر اے پی سے بلائیں اور پی ٹی آئی سمیت پارٹیوں کو ایک جگہ بٹھایا جائے۔

یہ بھی پڑھیں: سونے کی فی تولہ قیمت میں 3ہزار 800روپے کی کمی

بھارت کے یکطرفہ اقدامات

نجی سوشل میڈیا ویب سائٹ وی نیوز کے مطابق سینیٹ اجلاس میں اظہار خیال کرتے ہوئے انہوں نے کہاکہ بھارت یکطرفہ طور پر سندھ طاس معاہدہ معطل نہیں کر سکتا، دونوں ملکوں نے اس پر دستخط کئے ہوئے ہیں۔ انہوں نے مزید کہا کہ پورا پاکستان پاک فوج کے ساتھ کھڑا ہے، اگر پانی روکنے کی کوشش کی گئی تو پہلی کارروائی پاکستان کرے گا۔

یہ بھی پڑھیں: مسلمان سیاستدانوں نے بنگال میں تعلیم کیلئے بہت محنت کی مگر اُنکی اپنی زبان کو معدوم کر دیا گیا، قیام پاکستان کی وجہ سے پنجابی گورمکھی بننے سے بچ گئی

جنگ کی صورت میں خطرات

فیصل واوڈا نے بھارت کو مخاطب کرتے ہوئے کہا کہ یہ کوئی نلکے کا پانی تو نہیں ہے جو آپ روک دیں گے۔ اگر جنگ کو بڑھایا گیا تو یہ پوری دنیا کی جنگ بن جائے گی۔ سینئر سیاستدان نے یہ بھی کہا کہ ہم نے بھارت کی فضائی حدود بند کرکے ہندوستان کو نقصان پہنچانا شروع کر دیا ہے اور یہ ہماری قابلیت ہے۔

پاکستان اور بھارت میں کشیدگی

واضح رہے کہ پہلگام واقعہ کے بعد پاکستان اور بھارت کے درمیان کشیدگی پیدا ہوگئی ہے۔ بھارت نے پاکستان کے خلاف یکطرفہ اقدامات کئے جس کے جواب میں پاکستان نے بھی تجارت معطل کرنے کے ساتھ ساتھ بھارت کی فضائی حدود بھی بند کردی ہے اور وارننگ دی ہے کہ اگر ہمارا پانی بند کیا گیا تو پھر جنگ ہوگی۔