بھارت دنیا میں تنہا رہ گیا، مودی استعفیٰ دے

بھارت میں سیکیورٹی ناکامی پر سوالات

نئی دہلی (ویب ڈیسک) مقبوضہ کشمیر کے علاقے پہلگام میں حملے اور ہلاکتوں کے بعد بھارت کے اندر سیکیورٹی ناکامی پر سوالات اٹھنے لگے ہیں۔ بھارتیہ جنتا پارٹی (بی جے پی) کے رہنما نے وزیراعظم نریندرا مودی سے استعفیٰ کا مطالبہ کر دیا ہے۔

یہ بھی پڑھیں: ایران کا اسرائیل کے فوجی ایندھن کے بنیادی ڈھانچے پر حملہ

سابق وزیر کا بیان

تفصیل کے مطابق، سابق وزیر اور بی جے پی کے رکن سبرامانیئن سوامی نے کہا کہ میڈیا پاکستان کے بارے میں ہمارے حوصلے بڑھاتا ہے، لیکن چین اور ترکی، جنہیں مودی بڑبڑا رہے تھے، پاکستان کے ساتھ کھڑے ہیں۔ بھارت الگ تھلگ ہو گیا ہے۔ اس وقت ہمارے ساتھ صرف اسرائیل ہے، لیکن اس (مودی) کی وجہ سے نہیں۔

یہ بھی پڑھیں: جسٹس امین الدین خان کو آئینی بنچز کا سربراہ بنانے کا فیصلہ قابل ستائش ہے: سپریم کورٹ بار

نئے لیڈر کی ضرورت

سوامی نے مزید کہا کہ "ہم اس طرح پاکستان کے ساتھ اس وقت تک ڈیل نہیں کر سکتے جب تک مودی بطور وزیر اعظم استعفیٰ نہیں دیتے۔ اس ملک کو اب نئے لیڈر کی ضرورت ہے۔"

یہ بھی پڑھیں: امید ہے 24گھنٹے میں انتظار پنجوتھا ریکور ہو جائیں گے،اٹارنی جنرل پاکستان نے اسلام آباد ہائیکورٹ کو آگاہ کردیا

پاکستان مخالف سازش کا انکشاف

انہوں نے اپنے ناپاک عزائم اور پاکستان مخالف سازش بھی بے نقاب کردی اور مزید کہا کہ "ہمارا طویل المدتی مقصد پاکستان کو ٹکڑے ٹکڑے کرنا، بلوچستان، سندھ اور پختونستان کو الگ کرنے اور آزاد قوموں کی تشکیل کے قابل بنانا ہے۔"

یہ بھی پڑھیں: کراچی میں کل سے بلوچستان کی یخ بستہ ہوائیں چلنے کا امکان

سوشل میڈیا پر ردعمل

بھارتی رہنما کے موقف سے سوشل میڈیا صارفین بھی اتفاق کرتے دکھائی دیے۔ سدھیر نے لکھا کہ "متفق، مودی کو ہر حال میں مستعفی ہونا چاہیے کیونکہ وہ ہر طرح سے ناکام ہوئے ہیں۔"

نعیم سواگ نے لکھا کہ "کچھ دن پہلے آپ پاکستان کی تقسیم کے خواب دیکھ رہے تھے، اب اچانک آپ کی ٹیون بدل گئی ہے اور چلا رہے ہیں کہ انڈیا تنہا ہوگیا۔ سادہ حل ہے کہ خودمختاری کو قبول کر لیں۔"

چین کا موقف

اس سے قبل بی جے پی رہنما کا کہنا تھا کہ "چین نے کھلے عام کہا ہے کہ وہ پاکستان کے ساتھ کھڑا ہے، لہٰذا مودی کو لوک سبھا کی منظوری سے پہلے ہی 'لداخ ٹیریٹری گفت' منسوخ کر دینی چاہیے۔"