نئی نہروں کا منصوبہ مسترد: وکلا کا ببرلو بائی پاس کے سوا تمام دھرنے ختم کرنے کا اعلان

سکھر میں دھرنوں کا اعلان

سکھر (ڈیلی پاکستان آن لائن) مشترکہ مفادات کونسل کی جانب سے دریائے سندھ پر نئی نہریں بنانے کا منصوبہ مسترد ہونے کے بعد وکلا نے ببر لو بائی پاس کے علاوہ تمام دھرنے ختم کرنے کا اعلان کردیا۔

یہ بھی پڑھیں: پاکستان سٹاک ایکسچینج میں 157000 پوائنٹس کا سنگ میل عبور

خیرپور ببر لو بائی پاس پر جشن

نجی ٹی وی جیو نیوز کے مطابق دریائے سندھ پر نہروں کی تعمیر کا فیصلہ واپس لئے جانے کی خبر ملتے ہی منصوبے کے خلاف خیرپور ببرلو بائی پاس پر 12 روز سے دھرنے پر موجود شرکا نے جشن منایا اور خوشی کا اظہار کیا۔

یہ بھی پڑھیں: لاہور میں 13 سالہ بچی کو راستے میں اونچی آوازیں کسنے اور چھیڑنے والا اوباش گرفتار

آل سندھ لائرز ایکشن کمیٹی کا اعلان

آل سندھ لائرز ایکشن کمیٹی نے ببرلو بائی پاس کے سوا دیگر تمام دھر نے ختم کرنے اور 30 اپریل سے تمام کورٹس میں ہڑتال بھی ختم کرنے کا اعلان کیا۔

یہ بھی پڑھیں: فیلڈ مارشل کی کامیابیاں اور منفی پروپیگنڈا مہم ۔۔

وکیل رہنما سرفراز میتلو کے بیانات

اس حوالے سے وکیل رہنما سرفراز میتلو نے کہا کہ کارپوریٹ فارمنگ پر 24 گھنٹے میں سندھ حکومت سے سکھر میں ہماری کمیٹی ملاقات کرے گی جبکہ وکلا پر مقدمات ختم کرنے اور گاڑیاں لوٹانے سمیت دیگر مطالبات برقرار ہیں۔

دھرنوں کے باعث پھنسی ہوئی گاڑیاں

دوسری جانب سندھ کے مختلف مقامات پر دھرنوں کے باعث 40 ہزار سے زائد گاڑیاں تاحال پھنسی ہوئی ہیں۔ واضح رہے کہ گزشتہ روز مشترکہ مفادات کونسل نے دریائے سندھ سے نئی نہریں نکالنے کا منصوبہ مسترد کردیا، کونسل نے کینالز سے متعلق ایکنک کا 7 فروری کا فیصلہ مسترد کیا اور معاملہ دوبارہ ارسا کو بھجوایا جائے گا۔