سویرا ندیم کے وزن میں کمی پر سنیتا مارشل اور روبینہ اشرف کا ردِعمل آگیا۔

سویرا ندیم کے وزن میں کمی پر ساتھی اداکاراؤں کا ردِعمل

کراچی (آئی این پی) معروف اداکارہ سویرا ندیم کے وزن کم کرنے پر ساتھی اداکاراوں سنیتا مارشل اور روبینہ اشرف نے اپنے ردِعمل کا اظہار کیا ہے۔

یہ بھی پڑھیں: این ڈی ایم اے نے میدانی علاقوں میں برفباری کی افواہوں کو بے بنیاد قرار دے دیا

ٹی وی پروگرام میں گفتگو

روبینہ اشرف اور سنیتا مارشل نے حال ہی میں ایک نجی ٹی وی کے پروگرام میں بطور مہمان شرکت کی جہاں انہوں نے سویرا ندیم کے وزن کم کرنے کے بارے میں بات کی۔ سنیتا مارشل نے کہا کہ بعض اوقات کافی سارے مسائل کی وجہ سے ڈراموں کی شوٹنگ طے شدہ وقت میں مکمل نہیں ہو پاتی اور بہت زیادہ لمبی ہوجاتی ہے اور اس میں اداکار کی کوئی غلطی نہیں ہوتی۔

یہ بھی پڑھیں: شکریہ فیلڈ مارشل سید عاصم منیر۔۔۔اے ایف آئی سی میں عبداللہ اور منساء کی کامیاب سرجری ہو گئی (ویڈیو دیکھیں)

سویرا کی کوششیں

انہوں نے کہا کہ اب ہوسکتا ہے کہ سویرا ندیم نے بہت پہلے سے اپنا وزن کم کرنے کے بارے میں سوچا ہوا ہو، تو اب اگر ڈرامے کی شوٹنگ بہت زیادہ لمبی ہوجائے گی تو وہ مسلسل انتظار تو نہیں کر سکتی تھیں۔

یہ بھی پڑھیں: معاہدے کی خلاف ورزی، پی ایس ایل فرنچائز ملتان سلطانز معطل

روبینہ اشرف کا نقطہ نظر

روبینہ اشرف نے بھی سنیتا مارشل سے اتفاق کیا لیکن ساتھ میں یہ بھی کہا کہ مگر کوشش کرنی چاہیے کہ ڈرامے کے دوران اس طرح کی تبدیلیاں آنے پر قابو پایا جائے کیونکہ مجھے خود بھی ڈرامہ دیکھتے ہوئے جب چھوٹی چھوٹی تبدیلیاں نظر آتی ہیں تو الجھن ہوتی ہے۔

چند رائے

انہوں نے مزید کہا کہ سویرا ندیم شوٹنگ کے دوران شاید ہلکی پھلکی ڈائیٹ پر ہوں اور شوٹ میں وقفے کی وجہ سے ڈرامے میں ان کے وزن میں اتنی واضح تبدیلی نظر آئی ہو۔