اقوام متحدہ کے سیکرٹری جنرل کا پاکستان اور بھارت کو کشیدگی میں کمی اور تحمل سے کام لینے پر زور

اقوام متحدہ کی تجاویز

نیویارک (ڈیلی پاکستان آن لائن) اقوام متحدہ کے سیکرٹری جنرل کے نائب ترجمان نے کہا ہے کہ پاکستان اور بھارت کے درمیان پیچیدہ مسائل کا حل تعمیری مذاکرات سے ممکن ہے۔

یہ بھی پڑھیں: سینیٹ اجلاس کا 18نکاتی ایجنڈا جاری کردیا گیا

کشیدگی کم کرنے کی کوششیں

نجی ٹی وی جیو نیوز کے مطابق ایک بیان میں نائب ترجمان نے کہا کہ اقوام متحدہ ہر اُس اقدام کی حمایت کے لئے تیار ہے جو دونوں ممالک، پاکستان اور بھارت کے درمیان کشیدگی کم اور بات چیت کو فروغ دے۔ انہوں نے کہا کہ پاک بھارت کشیدگی میں کمی کے لئے سیکرٹری جنرل اقوام متحدہ ہر مثبت اقدام کی حمایت کریں گے۔ سیکرٹری جنرل نے دونوں ممالک کو کشیدگی میں کمی اور تحمل سے کام لینے پر زور دیا ہے۔

پہلگام میں فائرنگ کا واقعہ

یاد رہے کہ 22 اپریل کو مقبوضہ کشمیر کے علاقے پہلگام کے سیاحتی مقام پر فائرنگ کے واقعے میں 26 افراد ہلاک اور ایک درجن کے قریب زخمی ہو گئے تھے۔